عمرو سلامة بعد الهجوم عليه: "بعترف إني كنت حمار"

تعرض المخرج عمرو سلامة لهجومشديد بسبب منشور قديم له قام بكتابته عام ٢٠١٤ عبر حسابه الشخصي على موقع التواصل الاجتماعي "فيس بوك" ، كشف فيه عن رأيه لحل أزمة التحرش وهو الحرية الجنسية وتقنين بيوت الدعارة.

وقام عمرو سلامة بالرد على ذلك الهجوم، حيث كتب منشورًا من خلال حسابه على موقع "فيسبوك"، قال فيه :"بوست قديم ليا من 2014 كتبته فى لحظة غضب بعد حادثة تحرش كبيرة، وكان كمان في شكل تساؤل مش رأى قاطع، وكنت بتساءل لو الكبت الجنسي هو سبب التحرش وحلول ده ممكن تكون إيه، بيتم نشره دلوقتي وإعادة تدويره كإثبات من منطق: "بصوا!!! أهه الشخص اللي بيهاجم آراء الشيوخ".

وأضاف عمرو سلامة قائلاً:"بعيدًا إني غيرت آرائي طبعًا فى خلال الست سنين دول، وخصوصًا فى الموضوع ده، بس لو حتى ده مازال رأيى، ماشي، أنا زنديق، وآرائي شاذة، واللى يعرف أبويا يروح يقوله، أنا لا لابس عباية ولا عندى منصب في مؤسسة دينية، ومش بتكلم بالدين والشرع كإني واخد تفويض من ربنا علشان أبرر - أو أسبب - لمعتدي وحشي أعماله الإجرامية".

وانهى عمرو كلامه قائلاً "أنا إنسان عيسوي فنان بوهيمي يفعل ويقول ما يحلوا له، بقول كثير آراء وبتتغير، وبعترف إني ساعات أنا شخصيًا كنت حمار، وكل يوم بتعلم، وكل ما يعدي كام سنة وأشوف آرائي القديمة أستتفها، وده بيبسطنى جدًا لأنه معناها إني إتعلمت أكثر، وأتمنى أفضل أتعلم، من أي حد مهما كان".