رجاء الجداوي في احتفالية سابقة: أنا أم لكل الفنانين عدا أمينة رزق وعبدالوارث عسر

شاركت الفنانة رجاء الجداوي مؤخرًا في احتفالية اليوم العالمي للأشخاص ذوي الإعاقة التي أطلقت بعنوان "قادرون باختلاف"، بحضور الرئيس عبد الفتاح السيسي.

 

وخلال الاحتفالية ألقت الفنانة رجاء الجداوي، كلمة مؤثرة لها حيث قالت :"أنا مش جاية أعرض أزياء، أنا جاية أقول لأولادنا ذوي الهمم إن فخامتك بتحبهم أوي، ومصر كلها بتحبهم أوي، واعتقد العالم كله بيحبهم أوي، عاوزين كلنا نقف جمبهم، نحتويهم ونقولهم انتوا عندكوا قدرات، واحنا كمان عندنا قدرات، ولكن في بعض الاختلافات، في نسب في الاختلافات، ولو مكنش في النسب دي مكنش هيبقى في إبداع ولا تنافس، كنا هنبقى متساوين وده صعب شوية".

 

وتابعت رجاء الجداوي قائلة :" القدرات ساعات بتبقى جوانا واحنا مش عارفينها إلى أن تكتشف بالصدفة، يمكن لما اكتشفوني عشان ابقى عارضة أزياء مكنتش أعرف يعني إيه كلمة عارضة أزياء لكن قالولي إن ممكن أبقى ليا فيها، واكتشفت القدرة دي واشتغلت عليها لغاية ما وصلت إن أبقى عارضة مصر الأولى، كان لازم الاجتهاد أوي لإن المهنة كلها كانت للأجانب وقتها، وكان أول مصرية تدخل المجال وتتفوق على الاجنبيات الموجودة ".

 

ومازحت الفنانة الكبيرة الحاضرين، بقولها:"أنا أم لكل الفنانين تقريبًا، ما عدا أمينة رزق وعبدالوارث عسر".