ريهام سعيد تُشيد بمسلسل أحمد فهمي وأكرم حسني.. وتؤكد: "هابني نفسي من جديد"

كشفت الإعلامية ريهام سعيد، عن الأمنيات التي تتمنى تحقيقها، من خلال نشر صورة جديدة لها، على حسابها الشخصي، عبر موقع تبادل الصور والفيديوهات "إنستجرام".

 

وعلقت ريهام، على الصورة قائلة: "كان نفسي تبقي الحياة من غير مشاكل ولا أعداء ولا مهاترات من غير حقد ولا حسد ولا غيره. كان نفسي ابقي مش متهوره ولا مندفعه وقراراتي سريعه كان نفسي معرفش ناس زباله كان نفسي احب نفسي اكتر من كده بكتير وابطل اغلط في حق نفسي كان نفسي الناس تسيبني في حالي وكان نفسي يسيبوني استمتع بنجاحي كان نفسي ماثقش في الناس بسرعه كان نفسي ماتصدمش في الي حواليه".

 

وأضافت:" اكيد عندي عيوب وعرفتها وهاصلحها مش عشان كنت وحشه وبقيت كويسه لا عشان كنت صغيره وكبرت عمري ما حبيت الاذيه لحد ولا فرحت في حد معرفش في وقت واله لا لو حتي فاضل يوم واحد في عمري انا هابتدي كل حاجه من جديد حتي حلمي هاحلم من جديد وهابني نفسي من جديد لو اتحاربت تاني انا مش هاحارب ربنا كبير والحق بيرجع".

 

وتابعت:" تعالوا نستمتع بكل لحظه وًنستمتع بعباده ربنا في الشهر الكريم يا رب يغفر لنا ويسامحنا هو ده المكسب الكبير كل لحظه كنت مكشره فيها هاعوضها بضحكه حتي لو مفيش حاجه اضحك عليها بس طول ما في احمد فهمي واكرم حسني لازم هانفضل نضحك بجد برافو عاملين عمل عبقري متضيعوش وقت تعالوا نحمد ربنا علي كل نفس خارج وطالع ربنا يديم علينا نعمه الصحه والستر بدايه جديده ادعوا كتير".