رد ناري من دعاء فاروق على منتقديها عبر مواقع التواصل

وأكدت دعاء فاروق على احترامها لكل متابيعيها، خلال مداخلة هاتفية في برنامج "الحكاية"، المذاع عبر "mbc مصر"، ويقدمه الإعلامي عمرو أديب.

وقالت: "أنا بحترم كل الناس اللي بتابعني، وبرد على كل الناس، ومش حاسة إني من المشاهير ولا حاجة، وأنا ربنا كرمني وحطني في مكان كمذيعة، وبرد على كل الناس بشكل طبيعي".

وتابعت دعاء فاروق: "أنا مش هخبي أولادي، وأولادي معايا في كل المناسبات، ومن حقهم يتصوروا مع أمهم ويفرحوا معاها، ونسجل الذكريات دي"، رداً على هجوم رواد السوشيال ميديا من خلال التعليقات على نشر صور أبنائها.

وأردفت: "البعض بينتقد إن بنتي مش محجبة، مع أنها 15 سنة، وبيتكلموا على لبسها بشكل عيب، واتكلموا عليا وعلى لبسي، مش معنى اني شخصية عامة أني مشاع".

مش أنا اللي مقطعاها

وبينت: "هنيجي عند الولاد وممنوع ننطق كلمة، ومحدش يقولي شكلها ولابسة كذا، وابنك ماله عامل كده ليه، وأنت ملبساهم بنطلونات مقطعة، ومش أنا اللي مقطعاها، والمحلات مليانة من البنطلونات دي، والموجود بنشتريه في حدود اللائق واللذيذ".

وأوضحت: "فوجئت إن الناس مركزة بشكل غريب معايا، وإني ممنوع أعمل أي حاجة طبيعية من اللي هما بيعملوها".

يذكر أن الإعلامية دعاء فاروق تعرضت لهجوم كبير من رواد مواقع التواصل الاجتماعي، عقب السلام على المطرب الشعبي محمود الليثي باليد.

واختتمت: "محمود الليثي مد يده للسلام عليا، وسلمت عليه، ودار الإفتاء، أباحت سلام المرأة على الرجل، وأنا احترم وأتبع "الإفتاء".