رسالة من والد الشاب السوداني ضحية التنمر إلى السيسي

قال جون منوت، الشاب السوداني ضحية التنمر، إنه كان ذاهبًا للمدرسة، وقابل 3 شباب، قائلًا: "واحد بيصور واثنين كانوا عايزين يجروا الشنطة ويقطعوا الكتب، وكانوا مش عايزين يسبوني غير لما حاج كبير جه خلاهم يسيبوتي".

وتابع "منوت"، خلال لقاء خاص مع برنامج "مساء dmc"، المذاع على فضائية "دي إم سي": "نتعرض لشتائم ولكن مش بنحطها في دماغنا، بنحطها في قلبنا لأن مصر وجنوب السودان شعب واحد".

وعلق على دعوته لحضور منتدى شباب العالم، قائلًا: "أنا أول مرة أشوف حاجة زي دي، وجت بالصدفة، وإن شاء الله هروح منتدى شباب العالم"، متابعًا: "عايز أقول إني مسامحهم على إللي عملوه رغم إنه مكانش بهزار، وهما زي إخوانا الكبار، ومش عايز ده يحصل مع حد سوداني تاني".

في حين علق والد الشاب السوداني جون منوت، الذي تعرض للتنمر، على دعوتهم للمشاركة في منتدى شباب العالم، قائلًا: "شكرًا لمصر وللمصريين وربنا ينزل البركة في بلدكم، كلنا إخوة".

وأضاف والد الشاب، أنه لا يريد حبس المتهمين في الواقعة، بل يريد الجلوس مع أهلهم ليعلمهم بغلطهم حتى لا يكرروه مرة أخرى، معلقًا: "كلنا بنغلط أنا بس كنت عايز أعرفهم غلطهم علشان ميكررهوش تاني".

وتابع: "أنا إنسان بسيط جدًا، وبقول للرئيس السيسي أنا بسلم عليك باسم ربنا، وبقولك إن ربنا هيطول عمرك لبلدك ولشعبك، وربنا هيكون معاك دايمًا"، موجهًا الشكر لمصر والمصريين، قائلًا: "ربنا يبارك في جمهورية مصر العربية دائمًا".