"خلينا نقف ونراجع حسابتنا".. حالة من الحزن تسيطر علي هنا شيحة بعد وفاة هيثم زكي
يبدو أن الفنانه هنا شيحة، مازالت متأثرة بوفاة النجم الراحل هيثم أحمد زكي، حيث أنها تشارك متابعيه بكتابه كلمات عبر خاصيه الإستوري بموقع تبادل الصور والفيديوهات "إنستجرام".
وكتبت "شيحه" رسالة مؤثرة، تنصح فيها متابعيها أن دروس الحياه الصعبة يجب التعلم والاستفادة منها.
وقالت هنا شيحه:"كل يوم بيعدي خلص كل يوم جديد هديه، اختار.. أختار حياتك،شغلك،صحابك مش دايمه لحد اللي دايم عملك وقلبك وروحك الحياه بتعلمنا بس في دروس بتبقي صعبه قوي قوي لازم نتعلم منها ونقف عندها ونشوف الدرس ايه!"
وتابعت:" أنا اتعلمت ان مفيش وقت اتعلمت ان الحب بيبان متأخر اتعلمت ان الخير موجود بس مستخبي جوة القلوب، خايف يبان علشان الخوف بقي اقوي مننا.. بقينا بنخاف نحب لنتجرح".
وإختتمت كلامها: "بقينا عايشين ومش عايشين.. الأيام بتعدي ملهاش طعم لحد ماتحصل حاجه تزلزل كيانك وتفوقك وتخليك تعيد حساباتك في كل حاجه.. عملت كده ولا لسه؟ خلينا نقف بجد ونراجع حسابتنا..افتكر حتفرق كتير".
شاركت هنا مؤخرا فى الجزء الثالث من مسلسل "نصيبى وقسمتك" فى حكاية بعنوان"اتفضلوا فى الصالون".
المسلسل من تأليف عمرو محمود ياسين،إخراج مصطفى فكري، بطولة هنا شيحة وفراس سعيد وأحمد جمال وأحمد رفعت، ونانسى صالح، هانى عادل.
وجسدت هنا شيحة فى حكاية "اتفضل فى الصالون"، شخصية دارين التى تعمل رسامة وتتعرض لكثير من المواقف فى حياتها.
انفصال هنا عن أحمد فلوكس
انفصلت هنا مؤخرا عن زوجها الفنان أحمد فلوكس وعلقت فى تصريحات لها "محصلش نصيب وانفصلنا بكل هدوء واحترام وأحمد شخص مهذب ومحترم وطيب وراجل وخدوم ولكننا لم نتفق، فى النهاية كل شئ قسمة ونصيب".
فقد تزوجا فى شهر أكتوبر من العام الماضى، وانفصلا فى يوليو الماضى.
