"الجلا" يستعد لرحلة 900 كليو سباحة من السويس إلى حلايب وشلاتين للتوعية بخطورة البلاستيك "فيديو وصور"
قرر الرحالة المصري عمر الجلا، خوض مغامرة جديدة وهي رحلة سباحة من السويس إلى حلايب وشلاتين بطول 900 كيلو متر والهدف من الرحلة توعية أخطار البلاستك وتأثرها على الشواطئ والحياة البحرية ورسالة لتنشيط السياحة المصرية.
وأعلن "الجلا" استعدادته للمغامرة الجديدة عبر صفحته الرسمية عبر مواقع التواصل الاجتماعي، من خلال عرض فيديو يشرح المغامرة الجديدة وتبدأ الرحلة من محافظة السويس مرورًا بالعين السخنة والزعفرانة والغردقة وسفاجا ومرسى علم، ويستغرق طول الرحلة حوالى 900 كيلو متر سباحة، لنشر التوعية من حضر استخدام البلاستك على الشواطئ والبحر وتنشيط السياحة.
وقال "الجلا" إن بداية رحلاته اكتشاف الأماكن الجميلة فى مصر وقررت اخد العجلة ولفيت 6500 كيلو فى 65 يوم وقولت مش هلحق اتفرج على مصر وقررت ابطئ ايقاعى شوية وبدأت رحلة جديدة انى أجرى جريت 1500 كيلو من معبد ابوسمبل لحد الاسكندرية فى 36 يوم وكنت عايز حاجة اكبر منى مش كل الاستفادة عايدة عليا، لكن تفيد كل الناس اللى قابلتهم فى رحلتى وساعدونى وكل الاماكن اللى عديت عليها.
وتابع: من هنا جأت فكرة الرحلة كنت بعوم فى البحر لاقيت كيس بلاستك فى وشى ورسالة البحر كانت واضحة جداُ، ومن هنا جات فكرة التحدي الجديد أنى اعوم 900 كيلو من السويس لشلاتين فى 3 شهور كأنى كدة رحلة من مصر لحد اليونان، وقررت اتعاون مع مباردة "if" اللى اطلقها عمر سمره واحمد جبر علشان ينشروا الوعى من اخطار البلاستك واللى هيساعدونى انى اقعد فى البحر 3 شهور من غير ما استخدم البلاستك ولو قدرت اعمل كدة فى وسط البحر، ممكن نقدر نعمل كدة فى قلب المدينة وهنقدر.
وأضاف أن فكرة السباحة لمسافات طويلة قد تستغرق شهورًا جاءت عقب زيارته لمدينة دهب والعثور علي اكياس بلاستيك داخل المياه، مما دفعه للتجهيز لرحلته الثالثة للتوعية بمخاطر الأكياس البلاستيكية وحماية الشعب المرجانية ويتم حاليا التدريبات المكثفة على السباحة والاستعانه بشقيقة مدرب سباحة فى كندا ليعده بدانيا ورياضيا للتحدى الجديد للحفاظ على البيئة وشواطئ مصر وتنشيط السياحة الداخلية.
