ADVERTISEMENT
Advertisements
ADVERTISEMENT
Advertisements
Advertisements

حصالة الحب خلصت

الأحد 07/يوليه/2019 - 02:38 م
حصالة الحب خلصت
Advertisements
 
Advertisements

السلام عليكم مدام نيفين
اخيرا قررت وبكل شجاعة ابعد رسالتي وهكتب فيها اسمي .. هية رسالة لجوزي وبعد نشرها هبعتهاله او هقوله يدخل يقرآها لانه يستاهل يتآلم زي ما عمل فيه وكدة كدة انا خلاص اخدت قرار الطلاق وهبلغ بيه اهلي بعد ما الرساله دي تتنشر .. 
انا اتجوزت الراجل دة بعد ما اتحايل عليه كتير علشان ظروفه صعب تقبل بيها اي ست وكان المقابل الوحيد لاقناعي من وجهة نظره هو اغراءي بالعطاء والحب والاحتواء والمشاركة في حل مشكلاتي وتغيير الكون من حوالية وكل اللي ممكن تتخيليه .. ولو اي حد سمعه وهوة بيوعد كل الوعود دي كان هيعيط مثلا من كتر ما كان هيصعب عليه .. هوة استغل اني من الشخصيات الحموله وعرف ده عني لاننا اقارب في الاصل .. حمولة وبقدر الظروف وبرضي بقليلي .. وطبعا دة كان بالنسباله مطمع معنوي علشان يلاقي عفوا الجاموسة اللي تتحمل معاه تقلباته المزاجية وظروفه المادية المنيلة والاجتماعية كمان لانه مطلق وعنده اولاد وطليقته قارفاه في عيشته وعليه بقي اتحمل كل شوية رايح فين رايح للعيال وامهم جاي منين من عند العيال وامهم وهية اساسا انسانة مادية جدا وهوة اصلا دخله يادوب اليادوب يعني .. المهم عانيت من كتر الضغط عليه بشكل مستمر ومبالغ فيه لاني كنت بسكت واقول معلش انا حبيته برضه وان ظروفه دي ممكن اي حد يمر بيها .. كل ده جميل .. لكن امتي يبقي جميل او محتمل ؟ لما الراجل يكون مقدر يكون بيعوضني يكون بيحسسني بالامان انما يدخل في حالة اكتءاب يفضل فيه بالشهور وعلية اتحمل تقلباته دة شيء صعب جدا لان المدد اللي بيبقي فيها تعبان من قصص عياله طويلة دة غير مشاكل الشغل والحياة بشكل عام .. انا النهاردة وبضمير مستريح اقدر اقول ان الطلاق افضل وسيلة لانقاذ نفسي انا كمان من الدخول في حالة نفسية اسوآ من اللي انا بقيت فيها دة غير ان قسوته معايا وعدم محاولته انه حتي ما يعوضنيش بكلمة حلوة تراضيني ده خلاني احس بالقسوة اكتر .. هوة يعني انا لما ببقي مفروسة منه ومن تصرفات طليقته ببقي مبسوطة ؟ اكيد لا .. لكن رغم كدة كنت دايما حريصة علي مراعاته من كل النواحي لاني انا نفسي مقدرش اعيش في النكد مدد طويلة الدنيا مش ناقصة والواحد مخنوق من الظروف طبيعي .. ومع ذلك ولا اكني بعمل حاجة النتيجة واحدة .. طيب خلاص طالما النتايج واحدة يبقي استمر في المعروف ليه .. خالتي وخالتك واتفرقوا الخالات .. شكرا استاذة نيفين وارجو نشر رسالتي باسرع وقت لانها هتفرق معايا كتير .. اشكرك .. انا اسمي مني مكرم عبد العال 

Advertisements
تعليقات Facebook تعليقات بوابة الفجر
ads
Advertisements
مصطبة
Advertisements
هل شاركت فى مبادرة 100 مليون صحة؟