رانيا غريب الأولى على الجمهورية للتعليم الفني لـ"الفجر": حلمي أكون مهندسة وحققته (فيديو)
حصلت الطالبة رانيا غريب نجيب على، بنت محافظة السويس، على المركز الاول على الجمهورية فى التعليم الفنى نظام الخمس سنوات والطالبة بمدرسة السويس الصناعية المتقدمة وحصلت على 97.9% تخصص نقل وتوزيع الطاقة الكهربية، والتقطت عدسة " الفجر" بالطالبة رانيا غريب لتحكى قصة نجاحها خلال الدارسة وحصولها على المركز الاول على مستوى الجمهورية.
حصلت على مجموع فى الاعدادية 270 فضلت انى اتقدم بمدرسة السويس الصناعية المتقدمة نظام خمس سنوات، علشان ادخل الكلية اللى بحلم بيها وتشجيع زملائى انى ادرس بها بدل الثانوية العامة علشان احقق حلمى وادخل كلية الهندسة وربنا كرمنى وطلعت الاولى على مستوى الجمهورية وهقدر ادخل الهندسة بفضل الله.
وأكدت رانيا غريب، أنى فخورة بأنى احد خريجى السويس الصناعية المتقدمة والفضل بعد ربنا للمعلمين ومديرى المهندس خالد فهيم والاساتذة جميعًا واحب اوجه رسالة ان التعليم الفنى تعليم محترم وعلى اعلى مستوى وبيخرج منه أصحاب خبرة وكوادر فنية عالية.
وقالت رانيا الفضل بعد ربنا فى النجاح دة لعائلتى لولدى وامى وجدتى واخواتى وخطيبى انهم واقفوا بجانبى ودائما كان بيقولى الهندسة يا رانيا والحمد الله ربنا قدرنى وقدرت احقق حلمى وحلمهم وارفع راسهم وهدخل الهندسة واكون مهندسة".
