بعد أزمة عمرو وردة.. محمد دياب: الستات هتروح تشجع اللى هيلعب مع منتخب مصر
انتقد المخرج الشاب محمد دياب دعم عدد من لاعبي المنتخب الوطني لزميلهم عمرو وردة، بعد اتهامه بالتحرش من قبل عدة سيدات، مؤكدًا أنه في حال عودة وردة للمنتخب بعد استبعاده لابد من تسمية المنتخب ب"منتخب المتحرشين".
وكتب "دياب" عبر حسابه الشخصي بموقع التواصل الاجتماعي "فيسبوك": "كيفين سبيسي الموهوب العبقري لما اتحرش المجتمع السينمائي نبذه، و زيه امثله كتير ... الردع ده خلي هوليود اللي غرقانه تحرش تتعدل و بيتكتب في عقود التصوير ان اللي هيظهرلوا اي قصه تحرش هيترفد فوراً ... مفيش ممثل من صحاب كيفين سبيسي يجرؤ انه يقول سامحوه لأنه عارف ان الغضب هيطوله هو كمان".
وأضاف: "احنا بقي عندنا ان لاعب في الماتش رفع تيشرت متحرش كأنه بطل او شهيد!!! محمد صلاح لو ساند متحرش في انجلترا ممكن يخسر نص شعبيته و يخسر عقود اعلانات ... الموضوع بقاله يومين و الكلام عن التسامح السريع ده هو دعوه للتحرش و لو ورده رجع المنتخب ده يبقي اسمه منتخب المتحرشين".
واختتم: "لو ورده رجع المنتخب بالسرعه دي ساعتها مش هستغرب لو ستات مصر عملت زي فيلم ٦٧٨ و راحت تشجع المنتخب اللي هيلاعب منتخب مصر".
