محمود العسيلي يعتذر لأصحاب الشعر الكيرلي: "العنصرية عمرها ما كانت من صفاتي" (صورة)

توجه الفنان محمود العسيلي باعتذار مباشر لصاحبات الشعر الكيرلي بعد إهانته لهن أمس الأحد، بعدما وصف المطربة مريام فارس بأنها كارتة وهو لفظ عنصري يطلق على صاحبات الشعر المجعد.

 

وكتب "العسيلي" عبر حسابه بموقع التواصل الاجتماعي "فيسبوك": "‏إلى كل البني آدمين اللي شعركوا كيرلي أو اكرت احب اقولكو ان أمي شعرها أكرت و أنا كنت اكرت قبل ما أبقى اقرع و باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا .. و انا بأحب الشعر الكيرلي و اول حب في حياتي كان شعرها كيرلي و ممكن اعمل أغنية عن الشعر الكيرلي".

 

وأضاف: " الحمد لله العنصرية عمرها ما كانت من صفاتي .. كلنا بني آدمين سواسية ربنا خلقنا كلنا زي بعض فينا من جماله و خلقه و اختلافنا قي الشكل و في الفكر و في الدين و في الثقافة بيحلينا اكتر مش بيوحشنا..كل ما في الأمر ان واحده كارته وخنفة نسيت نفسها و اتريقت على مصر و الناس اللي بيشتغلوا في مصر فقلت ارد عليها بالطريقة البلدي بتاعتنا اللي احنا كلنا عارفينها و الموضوع مالوش دعوة بشعر أو خنفة حضراتكو خالص.. وأنا اسف مره تانية و يا ريت نشير في الخير عشان نحاول نوقف إسهال الهري و شكرا".

 

وكانت الأزمة بدأت أمس الأحد على خلفية تصريحات المطربة اللبنانية مريام فارس أن متطلباتها أصبحت كبيرة على مصر وهو السبب وراء قلة حفلاتها، لتخرج على جمهورها ببيان اعتذار للشعب المصري موضحة سوء فهم تصريحاتها.