رسالة وداع مؤثرة من نجم الأهلي لوالده
ودع ناصر ماهر لاعب الفريق الأول لكرة القدم بالنادي الأهلي، والده برسالة مؤثرة بعد وفاته أمس الثلاثاء.
وكتب لاعب الأهلي عبر حسابه بموقع التواصل "فيس بوك" :"ربنا يرحمك يا أغلي حاجه في حياتي يا أبويا واخويا وصحبي وحبيبي".
وأضاف "كنت بحاول اعمل كل حاجه عشان رقم واحد عندي انك تبقي فرحان وكنت مفتقدك الفتره اللي فاتت وكنت متأثر بغيابك اوي لكن محدش عارف ولا فاهم حاجه لكن كنت بستحمل ومش بشتكي وكنت بكتم جوايا حجات كتير عشان بحبك اوي و مش بعرف اتكلم غير معاك انت".
وتابع "وبشهادة كل الناس اللي تعرفك انك أرجل وأجدع وأطيب وأحسن شخصيه في الدنيا وكله عارف طيبة قلبك وحبك للخير اللي علمتني عليه".
وواصل "وفي النهايه هفتقد دمك الخفيف اوي ومش هنسي المشوار اللي ابتدينا سوا وهفضل مكمل إن شاء الله للأخر عشان أفرحك وانت عند رب كريم هتوحشني اوي اوي بس عمري ما هنساك".
وأتم "سلام يا حبيبي سلام يا أحسن حاجه في حياتي ربنا يرحمك".
