ADVERTISEMENT
ADVERTISEMENT
Advertisements

أحمد إبراهيم يكتب : مشهد محذوف

السبت 27/أبريل/2019 - 05:10 م
أحمد إبراهيم يكتب : مشهد محذوف
Advertisements
 
Advertisements

الأولة لله

والتانية الإنسان

التالتةالأنبيا

والرابعة الاديان

الخامسة الحاد

والسادسة ايمان

السابعة في اليم

والتامنة الطوفان

التاسعة يا انا

عايش بدون عنوان

العاشرة أولة

يارب انا عشمان

تهديني في غربتي

بجلالة الرحمن

النور يكون سكتي

للحق والايمان

الجمع الدايم للعلم

احيانا يبقي اساس الجهل

تحصيل النص بدون فهم

يخلق متناقض بالسهل

أبعاد الروح ..وآيات اللوح

والسر الكامن في العقل

وبصيرة القلب ..إعطاء أو سلب

أعمق بمراحل م النقل

قبل الحكاية ينبغي نصلي

ع الأنبيا من سائر الأديان

السيرة للي اهتدى

بالرحمة للإنسان

الدعوة دي عامة

 للفهم بالمجان...

في مراحل فهمى مع الأحداث

أنا عشت بدون قيد الأزمان

سفري الأثيري المنتظر

أبدا ما حَدوش المكان

أنا شفت مشاهد بالصورة

اخراج الروح من القران

_اخواته يقولوا هييجي معانا

الرعي معانا اكيد في امان

وهنحفظ يوسف وبروحنا

اياك في غيابنا تكون قلقان

كام ساعة هنلعبوهنرجع

طايرين م الفرحة وهو كمان

لو كنت ساعتها هناك موجود

انا كنت هقولهدا كيد شيطان

فلتدعوا الليلة يا يعقوب

او لا ترسله مع الصبيان

مشهد من قصره وسط الحاشية

فرعون تتفسر رؤياه

بيقولهدا واحد يولد بينهم

راح ينزع حكمك وانت اله !

فيهب يقاتل اطفالهم

تفكيره العاقل خلاه

بيحارب كل اللىمعاه

كان نفسي اوجه يومها رسالة

خدى موسي واهربي وياه

دا رضيعك هو المقصود

بالرؤيا وبرسالة الله

بترميه ف اليم وسايباه

انا قلت ساعتها دا راح لقضاه

فجأة الصورة بتتحول

وتروح لنبي الله ايوب

عاجز في فراشه بقاله سنين

والصبر مسكن ع المكتوب

فبقول لو يدعى ربه النبي

مش كات الدعوة تداوى قلوب

لكنه مكمل في الرحلة

والصبر مهون أي دروب

وعجزت ساعتها انى أستنى

واشوفه يعانى او مغلوب

الصبر اتجسد علي شكله

 ف الصبر كنايته زمان ايوب

_مشهد مش واضح تفاصيه

في مكان م الناحية الشرقية

عذراء الروح ستوهبنا

روحا في صورة انسيا

يا مريم نسل الاشراف

كفلك الله لزكريا

فانطلقي الان الى القوم

ليروا الآيات القدسية

ولتنوي من الان الصوم

وسينطق عيسى العبرية

ولتنسي الحزن من اليوم

فغلامك ما كان شقيا

لو انى احكى بلسانه

اوصيها عنى بوصية...

عن يحيا سيموت صبيا

من اجل إمرأة ملكية

زكريا سيقتل في صمت

بفضيحة ظلم علنية

عيسى فسيرقي الي ربه

لن يقتل لن يصلب حيا

فَ التزمي من الان الصبر

 فالخالق ما كان نسيا .

_الصورة بحر وموج

والنور قسمها إتنين

الكادر مش واحد

لكنه خال ع العين

رحلة وسفينة ونبي

ماشيين علي الجنبين

الاولى كات منقذة

ومن كل زوج اتنين

لحظة دعاك يا نوح

شايف وليدك فين

الظلم كان بينوح

والقلب نبضه انين

والتانيةكات منفذة

والدمع ع الخدين

بالقرعة يُرمى النبي "يونس"

علشان يكفر دين

من مرة صابه الغضب

فخرج مقالش لفين

يسكن في حوت العجب

كل الحكم دي لمين

ديفوهات قدامى وحواليا

مالية الحكايات بالملايين

التايه عقله م الحسابات

والممعن دايما في التفاصيل

والعاشق لحساب المسافات

والفاهم مغزى الاقاويل

بقي عنده يقين

 من غير اثبات

مع  أي زمان أو أي ظروف

في مشهد دايما محذوف

حجباه عن عينه حدود الشوف

وانا مش ملك م المنزلين

ولا عندي وحى الانبيا

ولا قلبي قلب الصالحين

ولا دي كرامة اوليا

ديجافوبيسرد ف السنين

وانا م العصاة الاغبيا

افهم منين ان البلاء

وان الفراق

كان بس بيعد الغلام

لو كان بقي يوسف

فلكان رعي الاغنام

وف حجره ابوه الدلع

يتحامى فيه وينام

لكن لحمل تقيل

 تتقطع الارحام
فيزود بصبر جميل

تتفسر الاحلام

ينقذ شعوب م الجوع

بالفعل مش بكلام

يبقي اللقا محتوم

تتفسر الاحلام

علشان تزيد منزلة

فالصبر هو القوت

ياهل ترى ايوب

كتم الوجع والصوت

من يا ترى قاله

إن المحن هتفوت

والدعوة مابتفرقش

بين روح نبي وهلفوت !

يا هل ترى المكتوب

هيجيني قبل ما اموت

ويداوى في صبري

وجراح تساع ملكوت ...

لو كنت شفت الغيب

انت أو العذراء

شفت الرسل قتلى

شفت الأماني سراب

فَ ازايهتضحك يوم

مستني بعده خراب

ازاي يجيلك نوم

في طريق نهايته ضباب

ازاىهتبدأ شيء
وفي اخره املك خاب ...!

ازاىيهتتعلم من غير ما تتألم

وتفارق الاحباب ..

وازاي تعود تاني

أو تاخد الاسباب

وانت البعيد اعمى

عن حكمة الرحلة

ف ازاي تكون موسي

 تخرج من الوحله

وتهز عرش الظلم

بجدورك الضحلة

غير لما تعرف ان

نوره ضياء الكون

في الليلة الكحلة

يقتل ظلام فرعون

في الثانية والوهلة

هي السفينة تضم

طول ما الطريق محفوف

ولا السفينة الأم

ترمى لموت موصوف

هي الرياح ياعم

تقتل ..تنجى ..تطوف..!

مش ع المسير زم

وانت اللي كنت الخوف

في سفينة تمحى الهم

وسفينة ترمى اليم

ف اياك تكون مكسوف

ان طال عليك الغم

ادعيله مرة وشوف

ضحك القلوب لو عم

رد الكريم معروف

بس انت روح واهتم..

يا رب الهمني لسفينة التوبة

انا ضعت في المشاوير

يارب وكلتك

لا احسن التدبير

يا رب ارشدني

ان تهت ف التفكير

لما ابقي مش قادر

علمني انى اطير ..

علمني اكون جنبك

واهديني للتدابير

اللي اقدر افهمها

فاصبر علي التأخير

حل حاجة بحلمها

قربك ينسيني

النفس والمها

فازهد معاك واطير ...

 

Advertisements
تعليقات Facebook تعليقات بوابة الفجر
ads
هل شاركت فى مبادرة 100 مليون صحة؟
كأس محمد السادس للاندية الابطال
الرفاع - البحرين
-
x
19:00
-
هورسيد - الصومال
إتحاد طنجة - المغرب
-
x
22:00
-
الزوراء - العراق
دوري أبطال أوروبا
أوليمبياكوس - اليونان
-
x
21:00
-
كراسنودار - روسيا