الأم المثالية بالشرقية لـ "الفجر": ربيت عيالي من عرقي في الغيطان

أعلنت مديرية التضامن الاجتماعي، بمحافظة الشرقية، اليوم الإثنين، فوز الحاجة سنية درويش مصطفى 75 عامًا، بنت قرية الملكين البحرية التابعة لمركز الحسينية، بمحافظة الشرقية، بلقب الأم المثالية على مستوى المحافظة.

وقالت الحاجة سنية إن "زوجها فارق الحياة في حرب 67 تاركًا 3 أطفل "فريال، منى، ومحي ما لحقش يشوفه كان لسة جنين في بطني، مات وأنا عندي 24 عامًا، وكنت لسة صغيرة، واتقدملي عرسان كتير وأبويا كان عايزني أتجوز تاني وأجرب حظي لكن إخطرت أجرب حظي في تربية ولادي أفضل".

وتابعت الأم المثالية: "خرجت واشتغلت في الغيطان أجمع بميه، وأدرس غلال، وأقطع ذرة، كل شغل الفلاحة كنت بعمله تعبت فعلا لكن كله كان بيهون علشان خاطر ولاد".

وأضافت "بعد وفاة محي الدين جوزي صرفولي معاش 2 جنيه كانوا وقتها فلوس برضه، وكنت بشتغل في الغيطان بريال طول اليوم علشان ما أخلهمش يحتاجوا من حد حاجه، والحمد لله ربنا عوض تعبي خير والعيال الصغيرة كبروا وبقم حاجه كويسة دلوقتي فريال مديرة مدرسة ومنى مدرسة، ومحي حاصل على بكالوريوس تجارة.