أحمد موسى عن خسارة الأهلي: "ادبحوا 4 عجول علشان النحس يتفك"
انفعل الإعلامي أحمد موسى، في تعقيبه على خسارة الأهلي أمام المقاولون العرب في بطولة الدوري العام، قائلًا: "في نحس لعب في الأهلي، ادبحوا 3-4 عجول وفرقوهم يمكن ربنا يشيل النحس، من إمتى الأهلى كان بيتغلب كدا يعني".
وأضاف "موسى"، خلال تقديمه برنامج "على مسئوليتي" على فضائية "صدي البلد"، اليوم الثلاثاء،:"فين النادي الاهلي، وفين روح النادي الأهلي، فين الفريق بتاعنا، الاهلى كان عندنا فرقة بره أفضل من الفرقة اللي جوه، إيه الله حصلكم، اللى مش قد الاهلي وفانلة الاهلي يمشي، واللى مش قادر يسعد جمهور الاهلي ميلزمناش، أعصابنا مش هتستحمل، والماتش الجاي أخرنا معاكم، وربنا يرجع الخطيب بالسلامة دا أهم".
وتابع،: "محدش يكلمني على إصابات، مجلس الإدارة لابد أن يتخذ موقف أكثر من كدا، من إمتى النادي الأهلي أخر الدوري، شوفوا الزمالك عمل فرقة محترمة بصراحة، بقيت بحب اتفرج على مباريات الزمالك، دا كهرباء دا ولد، يمسك الكرة جون، فين الأهلى النهاردة من الزمالك؟، الزمالك ركب الدوري هينزل إمتى معرفش، ومين هيقدر ينزله معرفش.
