أسامة كمال: "كل سنة ومصر حلوة وترجع الحاجات الحلوة اللي فيها"
قال الإعلامي أسامة كمال، مقدم برنامج "مساء dmc، حلقة الثلاثاء، احتفالا ببدء السنة الهجرية والقبطية:"العالم الإسلامي النهاردة بيحتفل ببدء السنة الهجرية، ومصر بتحتفل بالعام الهجري وبدء السنة القبطية، وكل سنة والدنيا طيبة وكل سنة، ومصر طيبة وحلوة وترجع كل الحاجات الحلوة فيها".
وأضاف:"واحنا كبار كدة ولسة فاكرين الحاجات البسيطة والحلوة اللي طول عمرها من سمات المصريين، قبل ما يطغى علينا عصر الماديات والصراع على الفلوس والمناصب والجاه والمنظرة والفشخرة، قبل ما يطغى علينا عالم اللي معاه بيعاير اللي مامعاهوش عشان مامعاهوش واللي مامعاهوش بيبص للي معاه وعايز ياخد عينه وشايف التاني مايستحقش النعمة اللي اداهالوا ربنا".
وتابع:"لما كانت الحارة حارة وليها تقاليدها وكان القصر كمان له تقاليده والناس كانت بتراعي بعض وتلغي الفرح، عشان الجار عنده عزا، يعني المسألة ماكانتش المراعاة في الماديات وبس، كانت في كل حاجة".
