فتيات يساندن مذيعة "البلوق" رضوى الشربيني: "خلي الجبروت يتعلم منك"

انتشر فيديو للمذيعة رضوى الشربيني، وهي تنصح متصلة، في مشكلتها مع خطيبها، بقطع كل وسائل الاتصال معه وحظره على مواقع التواصل.

وكررت رضوى كلمة "بلوك" ما دفع مغردين إلى تحويلها إلى فيديوهات ساخرة مرفقة بهاشتاجات #رضوى_ الشربيني و#بلوق.

وجاءت إحدى التعليقات لماري فاروق: "أخيرا لقيت وحدة تناصرنى افكارى واسلوبى إللى مجتمعنا للاسف من الجنسين بيرفضوه ومش بيتقبلوه..شابوه لرضوى الشربيني.

وأشاد مغردون بالمذيعة وعدوها نموذجا للمرأة المتحررة القوية، إلا أن آخرين انتقدوها ووصفوها بعدوة الرجل.

فقالت رانيا: هى بتحاول تنضف عفونة مجتمع ذكورى اتكونت على مر أجيال وأجيال وبتفهم الست او البنت انها تحافظ على كرامتها وكرامة اهلها.. ماغلطتش فى حاجة الست بس النقد اللى بيتحدف عليها طبيعى لانها بتحاول تغير ثوابت فى المجتمع وللاسف ثوابت غلط .

وكتبت ميمي: #رضوي_الشربيني "ازعلي" "عيطي" "اتوجعي" اكتئبي"..بس يوم ماتقرري تواجهي خلي الجبروت يتعلم منك".

فيما علق علاء بكر: "لما أشوف رضوى الشربيني وأمثالها من أشباه الستات بيتكلموا عن أنهم إزاي strong وبعدين أفتكر أمي الله يرحمها وأمهات كتير كافحوا وتعبوا عشان ينجحوا البيت ويربّوا صح بستغرب اوى ، هو مين المفروض يدى نصايح ، دا امهاتنا دول كلمة جبال قليله عليهم والله ".