نور إسماعيل تكتب: شمس ديسمبر.. الحلقة العاشرة
هى اللي قالتلك كده؟؟!
مامت فريدة: من ساعه م قومت من النوم وانا الدموع مش مبطله ، البت حملتنى فوق طاقتى يا كوثر
معقول يكون ابوها عمللها حاجة قبل وفاتها
الخالة: الله اعلم .. بس نصر الدين من ساعه م سابكم زمان ومرجعش تانى
لا نعرف مكانه
ولا قاعد فين
ولا بيشتغل ايه
ولا اتجوز ولالا!
مامت فريدة: ماهو ده الى مخلينى مش عارفه افكر ، تقصد ايه بخديلى حقى من ابويا!
تقصد ال عمله فيها زمان
ولا تقصد حاجة منعرفهاش
الخالة: بصى يا زينب، انا رائي تسألى شيخ عن الحلم ده وتقوليله بالظبط ابوها كان عامل معاها ازاى
ونشوف هيقولنا ايه
مامت فريدة: تفتكرى يكون يا كوثر...
الخالة: (اتدايقت وبصت عالهدوم الى بتفصلها وهى قاعده ) والله قلبى وجعنى لما قولتيلى الحلم
جيب العواقب سليمة يارب
-=-=-=-=-=-=-=-=-=-=-=-=-=-=-
دماغى بتلف.. حاسس ان نمت ولا نوم اهل الكهف!
كأنى نايم ييجى مليون سنة ومقومتش خالص
قمت وحاسس ان رؤيتى مش واضحه .. خرجت من اوضتى لاقيت اسماء وماما قاعدين متدايقين كده.
الام: صباح الخير يابنى
امير: صباح النور.. انا نايم بقالى اد ايه ياامى
اسماء: بقالك يومين بحالهم ياامير.. داانت كأنك مصدقت الدكتور يديك منوم
ولا عشان كنت مطبق ليومين فكنت تعبان
لاحظت ان فيه جرح فايدها ..
امير: انتى مجروحه كده ليه ؟
اسماء: متاخدش فبالك
الام: اخوك الحشاش كان هنا امبارح وكسرلى البيت وخد دهب اسماء من ايديها وغار
امير: حازم!
اسماء: احضرلك تاكل؟
امير: ماشى .. ورجعت افتكرت ان اسماء قالت الدكتور ادالك حقنه
امير: اسماء هو دكتور ايمن كان هنا امبارح؟
اسماء: ايوة انا كلمته يجيلك .. انت كنت هتموت مننا ياامير
وهى بتحكى انا لاحظت ان الكتاب مش موجود مكانه
امير: انتى دخلتى اوضتى تنضيفها تانى يااسماء؟
اسماء: والله ابدآ، انا من ساعه م قولتلى ممدتش ايدى فيها
امير: اومال الكتاب فين !! (بعصبية)
اسماء: كتاب ايه؟؟
امير: كتاب كان جمبى هنا وبقرا فيه
اسماء: ااااه .. ده جه حامد امبارح هنا وخده!
امير: ايه ؟!! ازاى تخلوه ياخدوه
اسماء: انا ماليش دعوة الدكتور ايمن الى اداهوله
امير: (وفجأة صوتى اتحول وكأنى مش سامع نفسى الى بتكلم) انا قولت ليكم محدش له دخل بحاجتى
ولا بحياتى
ولا باى حاجة ليها علاقه بيا
اسماء: (اتخضت وخافت ورجعت لورا) بسم الله الرحمن الرحيم.. بصى ياخالتى امير شكلة ازى!!
الام: سلام قول من رب رحيم .. ايه يابنى مال عنيك احمرت كده ليه زى الشياطين
امير: (بيجرى ع امه ) شياطييييييييييين اييييييييييييييه!! فين الكتاب متخلونيش اقلب البيت فوق دماغكم!
الام: ايوة ايوة ، ماهو واحد يمسينى وواحد يصبحنى
امير: (بيكسر فدولابالتلفزيون وبيدور فكل حتة ) فيييييييييييييين
فييييييييييييييين
؟؟!
الام: اتصلى بالدكتور يابنتى
امير: (بيخنق امه ) انتى الى خلتيهم ياخدوه .. انتى طول عمرك بتكرهيها
انتى مش عايزاها تبقى معايا
انتى السبب
اسماء: يالهوووووووى يامير بتعمل ايه
يارب ساعدنا يارب
الدكتور ايمن مش بيرد
وفجأة الباب خبط .. جريت اسماء وكأنها نجدة وجت من السما
وكان سبحان الله الدكتور ايمن.
ايمن: فيه ايه (بيحاول يبعد امير عن امه ) انت بتعمل ايه انت اتجننت !!
اسماء: خالتى خالتى .. انتى سمعانى !
ايمن: (مسك امير بقوة ونده ع ناس كانو معاه شكلهم مساعدينو) امسكوه كويس
امير: ابعد عنى يا حيوان انت ... ابعدوه عننننننى !!
ايمن: (ماسكينه المساعدين واداله حقنه ع طووووول وبدآ يهدا ) خدوه عالعربية تحت مستنياكم
انتى كويسة ياحجة !!
الام: (بتكح جامد) انت واخده فين يابنى؟
ايمن: خلاص بقى حاولت معاه بالهدوء منفعش.. امير كده خطر ع نفسه وعليكم
انا هحجزه فالمصحه عندى
وخدوه ونزلو ومشيو بالعربية .. واسماء ومامته كانو بيعيطو بحرقه
ع حالهم الى وصلو ليه
-=-=-=-=-=-=-=-=-=-=-=-=-=-=-=-=-
فريدة!!
مش بتسيب دماغ اطلاقآ اليومين دول.. يمكن بتفكر فيها اكتر من اى وقت تانى
كانت قاعده فشغلها
فشئون الطلبة بجامعه القاهرة
بس سرحانة خالص..
زميلة: دعاء! دعااااء
ايه يابنتى
دعاء: ها ! ايوة فيه حاجة
زميلة: انا من الصبح بكلمك يابنتى وانتى ولا انتى هنا..ايه سرحانة ف ايه
دعاء: (رجعت سرحت) مافيش.. مافيش
زميلة: اقطع دراعى ان مكونتى بتحبى !
دعاء: احب !! (ضحكة سخرية)
زميلة : اومال تفسرى السرحان ده كله لييييييه ؟؟
دعاء: بقولك !
زميلة: نعم
دعاء: دكتور عبدالعظيم بتاع تربية .. دكتور الصحة النفسية ممكن يكون موجود دلوقتى ؟
زميلة: الدكتور الاسع ده ! اعتقد كده لو مكانش وراه محاضرة
دعاء: طيب انا ساعه وراجعة المكتب ماشى ..(مسكت شنطتها ولبستها )
زميلة: طب مش تفهمينى عايزاه ف ايه ؟؟
دعاء: بعدين بعدين ..
مشيت دعاء وطلعت ع طول لمكتب الدكتور عبدالعظيم.
-=-=-=-=-=-=-=-=-=-=-=-=-=-=-=-=-=-=-
امير: انت خلاص هتحجزنى هنا (قوته كلها مهدودة)
ايمن: انت كنت هتموت والدتك ! انت مش حاسس انت اد ايه بتأذى الى حواليك
امير: (دمعت عنيا) انا أذى حد !! ده انا بعمل كده عشان مأذيش نفسى ببعدها عنى
ايمن: وايه اخرتها ؟ قولتلك اتعاون معايا وانت رفضت..بس هتتعاون ي امير لحد م نلاقى الحقيقة سوا
لازم تحكيلى بالتفصيل عملت ايه بالكتاب
وهل حضرت روح فريدة ولالا
وايه الى خلاك اتشنجت اول امبارح
كل دى اسئلة انت الوحيد الى عارف اجابتها
وهتقولها كلها
لان ببساطة ..
انا توصلت لشوية معلومات فعلم الارواح .. ولازم نساعد بعض عشان نخلص من الدوامة الى انت حطتنا فيها دى
امير: (بمسح دموعى) ماهى خلاص مش هتظهر تانى يادكتور.. انتو اخدتو الكتاب خلاص
ايمن: رد ع اسئلتى من فضلك.. مافيش وقت
لازم نبقى ايد واحدة
لان الموضوع بتاعك طلع اكبر من مرض نفسى
وبسبب موت شخص
ممكن ينتهى معظم الاشخاص الى كانو فحياتها
امير: (بيهز راسه) اوك .. هجاوبك ع كل حاجة
-=-=-=-=-=-=-=-=-=-=-=-=-=-=-=-=-
الدكتور عبدالعظيم: آنسة دعاء.. انتى تيجى من غير استئذان ده مكتبك
دعاء: شكرآ يادكتور..انا بجد مش عارفه ابتدى منين
عبدالعظيم: براحتك.. اهم حاجة تتكلمى
دعاء: انا مش بنام .. ولا عارفه اعيش زى البشر
وحاسة انى ممكن اموت فاى لحظة
عبدالعظيم: وليه الاحساس الشنيع ده
دعاء: انا بشوف كوابيس.. وحجات غريبة
انا بشوف روح واحدة صاحبتى
عاوزة تقتلنى !!
-=-=-=-=-=-=-=-=-=-=-=-=-=-=-=-=-
ايمن: تعرف انها ممكن تكون كانت فجسمك وانت بتخنق والدتك !!
امير: انا معرفش عملت كده ازاى
ايمن: انا جمعت قدر لا بأس به فالمعلومات عن علم الارواح عامة .. وعن كتاب شمس المعارف بالاخص
وجدت
ان بيأذى جدآ الشخص الى بيقراه من غير تحصين ..وممكن يحرض عالقتل او الحرق
بقوة السحر الملعونة الى فالكتاب ده
وانه كمان مش بس بيأذى الى قراه .. بيأذى الناس الى فالمكان الى اتقرا فيه
يعنى البيت عندك عليه خطر كبير
أمير: (مصدوم وقلقان)
-=-=-=-=-=-=-=-=-=-=-=-=-=-=-
اسماء: خالتى انا داخلة اغسل الحمام .. وانضفه
الام: طيب يابنتى
اسماء اول م دخلت الحمام .. لاقت حاجة غريبة خلتها تصرخ كأنها مسروعة!!
الام: (جاية تجرى من برة ) فيه ايه
يااسماء
اسماء: خالتى خالتى .. تعالى نهرب من الشقه دى.. تعالى اقعدى عندنا
البيت مسكون ياخالتى
(مخضوضة ومصفرة)
الام: فيه ايه خضتينى ووقعتى قلبى
اسماء: انا داخلة بنضف وببص فوق لاقيت امير مشنوق وبينزل من رقبته دم
ووو
(مش عارفه تاخد نفسها)
وبيبصلى وعيونه حمرا
الام: امير!! اللهم احفظنا امير مش هنا يابنتى! انتى رجعتى للتهيأت تانى
اسماء: دى مش تهيآت ياخالتى دى حقيقة .. والله شوفته بعينى
والله
(بتعيط)
بعد اذنك ياخالتى انا همشى وارجع البيت عند امى وابويا
الام: وتسيبنى يااسماء.. مش كفاية واحد كان هيضربنى امبارح
وواحد كان هيقتتلنى انهاردة
ده انتى قعادك معايا رحمه
اسماء: بس انا ممكن اموت ياخالتى هنا كده ..
الام: استعيذى بالله من الشيطان واقرى قرآن وان شاء الله مافيش حاجة ابدآ
اسماء: (حاضنه خالتها جامد) حاض.. حاضر
-=-=-=-=-=-=-=-=-=-=-=-=-=-=-=-=-=-=-
دعاء: هو ده كل الى بيحصلى ، معرفش عايزة منى ايه
عبدالعظيم: انتى متأكده انها ماتت منتحره!
دعاء: معرفش.. بس البوليس قال كده والصحافه
عبدالعظيم: دعاء ..هسالك شوية اسئلة وتردى عليا بدون تفكير لو سمحتى
دعاء: اتفضل
عبدالعظيم: علاقتكم كانت كويسة؟
دعاء: مش طول الوقت..
عبدالعظيم: كنت بتحبيلها الخير فحياتها
دعاء: لا !!(ورجعت اخدت بالها )
عبدالعظيم: (هز راسه يعنى فهم) ليه يادعاء
دعاء: كانت كل حاجة معاها .. حب وجمال
وكل حاجة
ودايمآ تيجى تحكيلى كأنها بتغظنى
انا مش بتحب زيها رغم انى اشيك منها
وبنت ناس عنها
ورغم ده كله
كانت دايما تحسسنى انها مظلومة
عبدالعظيم: تحسسك انها مظلومة ازاى ؟
دعاء: (ارتبكت وبصت حواليها علامة عالتوتر) يعنى .. دكتور انت مقولتش هى ليه بتظهرلى وبتعمل كده معايا
عبدالعظيم: وانتى مجاوبتيش ع سؤالى ؟
دعاء: يادكتور ارجوك
عبدالعظيم: خدى بالك .. هتجيلك تانى
فريدة عايزة منك حاجة بخصوص موضوع انتحارها .. او قتلها !
دعاء: (بصتله وعيونها برئت ) قتلها !!
عبدالعظيم: هنشوف فالايام الجاية .. هتحلمى بيها
وهتجيلك الرسالة بتاعتها
وساعتها هتفهمى بيحصلك ليه كده
دعاء:(فايمة ماشية) شكرآ.. بس بردو حاسة انى مش مرتاحه بعد كلامى مع حضرتك
عبدالعظيم: عشان انتى مبتقوليش الحقيقة يادعاء!!
دعاء عضت ع شفايفها واتخنقت اوى.. وسابته ونزلت من مكتبه فورآ
-=-=-=-=-=-=-=-=-=-=-=-=-=-
ايمن: الروح المظلومة .. سواء مقتولة ولا منتحرة بتظهر تانى بعد وفاتها تدور ع حقها
وبتروح لاقرب شخص ليها
ام
اب
زوج
صديق
عشان يقدر يظهر الحقيقه
بس ده فحالة لو ظهرت بطريقه طبيعيه كروح بعد قتل او انتحار
الى هو بالصورة الدارجه بتاعتنا بنقول .. طلعله عفريت "!
وبيفضل يلح فالظهور لغاية م يتاخد بثأرة ويهدا ويبعد
وميظهرش تانى
لكن انت استدعيت روحها بالكتاب.. معنى ذلك انها هتظهر بصورة شريرة ع عكس حقيقتها فالدنيا
امير: انا ملحقتش اتكلم معاها .. يدوب كلمتين وكانت مش فاهمة ولا عارفه انها ماتت
ومرة واحدة وهما بيتكلمو فالاوضة .. فريدة ظهرت ورا ظهر الدكتور ايمن وامير شافها وابتسم !!
ايمن: مش عارف ليه مرة واحدة حسيت بصفارة برد كده فضهرى، انا هقوم اقفل الشيش واجى نكمل كلامنا
امير: لا ده مش برد يادكتور
ايمن: ليه انت محستش بيه ؟؟
امير: فريدة حاضرة معانا 3:)
ايمن: (جسمه اتنفض من مكانه مرة واحدة وقام وقف ) معانا هنا فالاوضة!!
امير: ايوة .. وراك
ايمن : (كحب استطلاع زى اى شخص حاول يبص وراه ملاقاش حاجة )
امير: مش هتلاقيها لانى انا بس الى بشوفها ... ده بقى بسبب الكتاب يا دكتور
ايمن: (سنانة بتخبط فبعض وبيحاول يهدى نفسه ) وانت مش خايف!!
امير: دى حبيبتى ! انا عامل كل ده عشان اشوفها
تقولى خايف؟
فريدة: وحشتنى ياامير .. مين ده؟
امير: فريدة بتسالنى عنك ..
ايمن: (بيحاول يتمالك اعصابه ) سيبنى الاول بحاول اثبت فكرة ان فيه روح 3 معانا فالاوضه
امير: براحتك ..
ايمن: امير اس~لها ااااااسئلها (بيطلع نوت بوك من جيبه)
قولها ظهرت لحد قبلك ؟
امير: جاوبى يافريدة
فريدة: ايوة رحت لماما وخالتى ..ودعاء!
امير: بتقول لمامتها وخالتها ودعاء
ايمن: (بيكتب بس ايده بترتعش ) طيب تمام..قولها شافوها زيك كده ولا ايه ؟
فريدة: ماما وخالتى مشافونيش.. بس دعاء شافتنى وردت عليها وحش :(
وهو ده الى خلانى استغربت لما قالو انى مت!
امير: بتقولك ان مامتها مش شافتها ولاخالتها شافوها رغم ان كلمتهم .. لكن دعاء شافتها وكلمتها
وردت عليها
ايمن: (ساب القلم وبص فالارض) قولها افتكرى كويس حوارك مع دعاء ع اد م تقدر
امير: افتكرى ياحبيبتى دعاء فعلا شافتك ولالا.. بس ليه يادكتور؟
ايمن: هتفهم ..ها ردت بايه
امير: لسه بتفتكر
فريدة بتفتكر فحوارها مع دعاء بالظبط..
فريدة: دعاء!! ازيك ..انا لسه كنت هعدى عليكى اقعد معاكى شوية
باب شقتهم كان مفتوح .. وافتكرت حاجة خلتها تنزل دموع اول م افتكرتها
ان مامت دعاء كانت بتكلمها من جوه الشقه وبتقولها:..
الام: يعنى مش هتقعدى معانا لا هتتكلمى ولا تشوفى اخوكى الى جاى من السفر؟!
دعاء: (باصه فالارض وباب شقتهم مفتوح بس هى مستنيه الاسانسير) انا مخنوقه ولا عايزة اكلم حد ولا اشوف حد ..ممكن
لكن فريدة افتكرت ان الكلام عليها هى .. وردت بحسن نية!
فريدة: ايه ده !! طب وهو انا قولتلك ادينى حسنة .. انا جاية اقعد معاكى شوية مش اكتر
دايمآ اسلوبك وحش معايا كده
سلام :/
وأتأكدت لما دعاء حتى مردتش ع جملتها الاخيرة !! :(
وحكت ليا..وانا بلغت الدكتور باللى قالته بالظبط
ايمن: تمام .. عارف ليه سألت الاسئلة دى
امير: عايز اعرف
ايمن: معنى ده ان فريدة ظهرت بصورة طبيعيه الاول وكأنها عايشة لانها مش مصدقة انها ماتت وده دليل ع انها توفت مظلومة
ومتعرفش ايه سبب وفاتها
يعنى مش انتحار ولا حاجة
!
امير: طيب وانا الوحيد الى بكلمها وبشوفها..عشان...
ايمن: كتاب شمس المعارف! ادالك قوة خارقة عن طريق ترديدك لطلاسم الاسحار الموجودة فالباب ده
بس ربنا يستر ع البيت عندك
وحاجة كمان..
امير: ايه هى ؟
ايمن: بعدين اقولهالك.. قولى هى لسه هنا
امير: ايوة..قاعده جنبى
ايمن: (جسمة ارتعش تانى) مش معقول بسببك حولتنى من دكتور امراض نفسية لعالم جن وارواح!
فريدة: امير.. انا وانا فشقتنا بصحى كل يوم ع صوت رجلين ناس
وبستخبى منهم
لانى كنت فاكرة ان البيت مسكون بس.. (بدأت تعيط)
امير: فريدة ياحبيبتى .. متعيطيش..كملى
فريدة: كل كام يوم ييجو ويدخلو ويخرجو ومش بشوف حاجة!
امير: طيب اوك انا هقول للدكتور ايمن وهو هيقولنا بالظبط ده ممكن يكون احتماله ايه
-=--=-=-=-=-=-=-=-=-=-=-=-=-=-=-=-
الحج صلاح: ادى ايجار المخزن ياست ام فريدة .. ايجار الشهر ده
واسف عشان اتأخرت عليكى
مامت فريدة: ولايهمك ياحج صلاح.. توشكر انك اجرت منى الشقه اصلا بعد الى حصل فيها
حج صلاح: م عفريت الابنى ادم ياام فريدة .. وبعدين انا مش بقعد فيها
انا يدوب بحط حجات السوبر ماركت الى بخزنها فالشقه.. وباجى ف 10 دقايق اخد الطلب الى عايزه
او احط فيها الى عايزه
وبمشى!
مامت فريدة: ربنا يكرمك ياحج صلاح..لولا ربنا وقفك فطريقى مكانش حد هيأجرها منى
ولا هعرف اصرف عالبت الصغيرة دى
الحج صلاح: بس حاولى تلاقى بيعه للعفش الى فيها! خسارة انتى اولى بفلوسه!
مامت فريدة: والله من يوم الى حصل ياحج صلاح لا شيلت منها ورقه ولا حطيت
ماليش نفس اشوف الشقه من اساسه!
وكل حاجة زى ماهى!
الحج صلاح: يلا الله يرحمها .. اسيبك انا عشان سايب المحل مفتوح
الام: اتفضل ياخويا
مامت فريدة مبتجيش الشارع القديم بتاعهم الا عشان الايجار.. لانها مبقتش تحب تروح هناك ولا تشوف المكان
خدت الايجار ورايحه نايحة الاء الى كانت بتسلم ع دعاء وهى راجعة من الشغل.. ودعاء شكل وشها اتغير مرة واحدة!
مامت فريدة: ازيك يابنتى ..وعاملة ايه الست والدتك
دعاء: كويسة يا طنط (سرحانه)
مامت فريدة: طيب يابنتى ابقى سلمى عليها ..يلا ياالاء
مشيت ماما فريدة وكان فون دعاء بيرن !
دعاء: ثوانى ياماما.. هعمل مشوار واطلع
مشيت دعاء وركبت اقرب مواصلة وطلعت ع قسم الشرطة ..
دعاء: لو سمحت انا عايزة ابلغ عن جريمة حصلت فقضية اتقفلت انا اعرف معلومات عنها
الظابط النباتشى !: اتفضلى قولى
دعاء: فيه قضية انتحار حصلت لبنت جارتى من 3 شهور والقضية اتقفلت لانه اثبت انه انتحار.. انا عندى معلومات جديدة!
الظابط النباتشى : ايه هى ؟ (بيكتب)
دعاء: مش قضية انتحار!! دى ماتت مقتوله
وانا عرفت مين الى قتلها
الظابط النباتشى : قتل!! وياترى مين الى بتبلغى عنه
دعاء: (وشها مرتبك بس قالت يثقه) خطيبها.. امير!!
يتبع..
