عمرو أديب: "اللي عمله المنتخب إنجاز.. وهفضل أقول عليهم فراعنة"
قال الإعلامي عمرو أديب، إن المصريين في كل العالم متجمعين لمشاهدة نهائي كأس الأمم الأفريقية، متابعًا:"المنتخب ده اللي جمع الناس دي كلها وخلاها فخوره بمنتخب مصر، كم لايك وكم شير، المنتخب ده اللي خلي إسم مصر موجود في الميديا العالمية، المنتخب ده اللي خلى الأعلام المصرية تنزل الشوارع تاني، كم لايك وكم شير".
وتابع "أديب"، خلال تقديمه برنامج "كل يوم"، المذاع على فضائية "on-e"، اليوم الأحد: "المنتخب ده مش كوره والله يا جماعة، الناس دي عملت إنجاز عبقري، وهفضل دايمًا هقول عليهم فراعنة، ولعنة الفراعنة ديمًا بتحن، إن شاء الله يكرمنا ويوفقنا ونقدر نعمل حاجة".
