بالأدعية.. رواد السوشيال ميديا يساندون الفراعنة قبل نهائي أفريقيا: "يارب كمل فرحتنا على خير"

علق أحمد سمير، أحد رواد مواقع التواصل الاجتماعي المصغر"تويتر"، قائلاً: "فوز مصر على الكاميرون حلم صعب.. بس نعمل اللي علينا ونلعب بنفس الروح وممكن نكسب"، وقال سامح حمدي، " صعود مصر للنهائيات.. يخليك فخور انك بتنتمي للدولة العظيمة دي مصر.. حتى لو خسرنا".

وقال عمر الحاج: "الكاميرون فرقة قوية بدنيا..بس احنا هنكسب  تكتكيًا.. مش بالعضلات.. ومبروك علينا شرف المحاولة يارجالة"، وعلق محمد يسري قائلا: " الكاميرون فريق قوي وعنيد.. لكن ان شاءالله النصر لمصر".

وقالت مريم التابعي، ساخرة بعد الإعلان عن حضور بعض البرلمانين والفنانين لمشاهدة اللعبة: " إلى كافة اعضاء البرلمان والفنانين الذي عزمو الأمر بالسفر للجابون.. اتركو المنتخب فهو ناجح من غيركم"، وسخرت إيمان رشاد قائلة:"احنا المفروض اننا ننزل الميادين بكره نفوض الحضري في مواجهة  إرهاب الكاميروني المحتمل"، وقال أحمد حمدي:"إحنا لا يفرق معانا الكاميرون ولا غيرهم.. إحنا هنصلي العشا ونتوكل على الله ".

وقال معتز ماهر: " المنتخب وصل للنهائي ويمكن دي الحاجة الوحيدة اللي تفرحنا دلوقتي .. اللعبوا بنفس الرجولة هتكسبوا احترام العالم"، وقالت أماني صلاح: " الكاميرون من الدول اللي بحبها في الكورة عشان كده لو مصر كسبت حفرح ولو خسرت مش هزعل".

وقامت علا الزاهي، بالدعاء لمصر: " يارب بحق ليله الجمعه كمل فرحة مصر على الكاميرون على خير".