حسن كامى: انا مسلم وزوجتي مسيحية وأسرتها هددتها بالذبح

كشف الفنان حسن كامي، عن أنه مسلم وزوجته مسيحية، مشيرا الى ان اسرتها كانت معارضة زواجها منه بسبب اختلاف الديانه بينهما.

وأضاف خلال لقائه فى برنامج "الستات ميعرفوش يكدبوا" على قناة CBC قائلا: "عيلتى كانت خارجة من عاصفة اقتصادية، ومرتبى 99 جنية فى الشهر، وزوجتى من عائلة صعيدية كبيرة ملوك القطن، وخالاتها قالو لها انى طمعان فيها، لكن نجوى مقتنعتش بكلامهم، ووالداها كان لواء قوات مسلحة ايام الملك فاروق وقالها هدبحك فى الصعيد لو اتجوزتى مسلم".

وتابع قائلا: سألت نجوى وقولت لها احنا الاتنين لو اقتنعنا ببعض هنخوض اشياء قاسية وحرب، قالت لى ايوة مقتنعه، قولت لها هنعمل خطة صغيرة، وذهبت اتكلم مع والداها ورفض وقالى دى تقاليدنا ودى بنتى الوحيدة، وقولت له بنتك الجميلة بعد ما تعلمها عايز تأذيها وانا اعرف اسعدها".

واشارت قائلة: "والدتها عملت كعب داير قعدتنى مع 6 قساوسة لاقناعى ان زواجى من مسيحية مينفعش، وكل واحد معاه 6 ساعات واقنعه ويرجعوا يقولوا لحماتى اننى كويس وابن حلال، ودوتنى لاسقف فى الكنيسة وكان بلجيكى، ونفس الموضوع اقنعته بجوازى اننا بحبها ومش طمعان فى حاجة وهخليها تبقى ملكة".