رئيس الزمالك: أنا أسد والحج لم يؤثر عليا لأن ربنا بيحب المؤمن القوي

أكد مرتضى منصور رئيس نادي الزمالك، أن فريق الوداد فريق محترم، مشيرا إلى أن نادي الزمالك استحق الفوز على فريق الوداد البيضاوي في برج العرب.

 

وقال مرتضى عقب المباراة: " الوداد فريق كبير وفريق محترم.. والولد اللي اسمه شادي بتاع الاتحاد الأفريقي اللي خدام موزة كان عاوزني أسجل مع قناة عميلة.. حمادة شادي ده عميل قطر وموزة".

 

وأضاف: "بالنسبة للماتش والتجربة اللي عملناها لدخول الجماهير.. في ولد بلطجي اسمه أحمد شبرا، الغريب أني شوفت رؤية وأنا في السعودية أمام الكعبة تاني يوم"

 

وعن دخول الجماهير إلى ملعب المباراة: "النهاردة كان الجماهير بتشجع بشكل مثالي وأنا بوزع التذاكر كنت عارف أني بدي لناس من الألتراس.. وأنا قولتلهم كدة... هل يعقل أن الزمالك يجيب 32 أتوبيس والالتراس يجيب 16 أتوبيس بتذاكر مزورة.. خلاص العهد ده انتهى.."

 

وتابع: " قلبي ده أسد والحج مش هيأثر عليا لأن ربنا بيحب المؤمن القوي وأعد الجماهير أننا هنرفع كأس أفريقيا وهيكون جانبي وزير الرياضة وهدعو الرئيس السيسي".

 

وكان مرتضى منصور قرر مكافئة اللاعبين والجهاز الفني بدعوة علي الغذاء الأحد بنادي الزمالك، بعد الفوز برباعية على الوداد في ذهاب نصف نهائي دوري أبطال أفريقيا"