مذيعة شهيرة تنشر صورتها وهي طفلة في محاولة لمعرفة أهلها: "أملي في ربنا"

نشرت الإعلامية منى عراقي، مقدمة "انتباه" المذاع على قناة "المحور"، عبر صفحتها الرسمية عبر موقع التواصل الاجتماعي "فيس بوك"، صورة لها في طفولتها في محاولة للتوصل لأهلها.

وقالت "عراقي"، معقبة على الصورة: "الصورة دي وأنا عمري سنتين من داخل قسم ميت غمر من 23 سنة، كنت بنفس اللبس، ونفس التسريحه اللي في الصورة دي لما ناس لقوني على محطة قطار ميت غمر، وسلموني لدار رعاية الأيتام، وبعدها الدار سلمتني للقسم، واتعمل محضر واتصورت الصورة اللي انتوا شايفنها دي".

وأضافت: "اتسجل في محضر العثور بالقسم وقتها لبسي ده، وإن سني التقديري سنتين وكمان اختطاف بغرض السرقة وده كان بسبب الجروح اللي كانت في أيدي مكان الإسورة الدهب اللي كنت لابساها، وإن اللى خطفني أخدها من إيدي ورماني في المحطة ومشي، عشت حياتي كلها في الدار لحد لما اتخرجت من كلية تربية وبعدها ربنا كرمني واتجوزت وعمري دلوقتي حوالي 25 سنه".

وتابعت: "أملي في ربنا كبير، يااااه يا أمي... يااارب ربنا يكرمني وأشوفك بقول لأخواتي وأهلي كلهم إن شاء الله هتعرفوني من صورتي، لأنها في نفس يوم العثور عليه.. المهم ربنا يكرمني وتوصل صورتي لحد منكم ويشوفها باذن الله".