محمود الطوخى يشيد بدور الرئيس "السيسى" فى مصر
أشاد الكاتب محمود الطوخي، بدور الرئيس عبد الفتاح السيسى، في حكم مصر مؤكدا انه بطل وزعيم لم يكن راغبا في الحكم والمصرييين هما الذين طلبوا منه ذلك فلبى النداء سريعًا.
وكتب الطوخي، على صفحته الشخصية عبر موقع التواصل الاجتماعى "فيسبوك":" انا شايف ان السيسي بطل وزعيم حقيقي.. واكرر مش بالضرورة الزعيم يبقى حاكم.. مصطفى كامل ومحمد فريد ما حكموش.. بس التاريخ بيقول ان ناصر استلم مصر من فاروق قوية غنية.. وسلم مصر للسادات مجروحة مصابة.. والسادات سلمها لمبارك منفتحة نهمة للفلوس وللثراء وغشاشة.. ومع نفس الحرس القديم فسدت اكثر".
وتابع حديثه:" السيسي لم يكن راغبا في الحكم.. الملايين هي اللي دبسته.. ووقفت تتفرج عليه وهو بيحلم.. الراجل بيحارب لوحده عشان يدفع ديون خمسين سنة ويصلح تدهور وفساد خمسين سنة.
وأنهى كلامه قائلا:" ولعدم الخبرة بالحكم التف حوله الحرس القديم.. الراجل نَفّسه قرب يتقطع من النفخ في بالونة او قربة فيها الف خرم.. واللي بيحبوه واقفين يتفرجوا ويصقفوا.. وغيرهم بيشتمه ويسخر منه.. بس الطرفين في مكانهم محلك سر من غير ما يتحركوا خطوة ايجابية
المظلوم الاول في هذا البلد.. هو الرئيس عبد الفتاح السيسي ربنا يساعده وياريت.. نحاول إحنا كمان".
