مدرب المنتخب يرد عبر فيس بوك على الوقوع في التصنيف الثاني

رفض محمود فايز المدرب المساعد للأرجنتيني هيكتور كوبر المدير الفني لمنتخب مصر نظرة التشاؤم على وقوع الفراعنة في المستوى الثاني لتصنيف تصفيات أفريقيا المؤهلة لكأس العالم.

وقال فايز عبر حسابه على "فيس بوك" :" شايف ناس كتير متشائمه بموضوع وقوعنا في التصنيف التاني.. إحنا كجهاز معندناش غير امل و تفاؤل وإصرار وحماس.. مش بنوعد بحاجه غير العمل و الجهد و الإخلاص علشان حلمنا كلنا.. مش شايفين غير هدف التأهل قصادنا وكل المنتخبات ما هي إلا محطات للوصول.. مش شايفين قصادنا غير لاعيبه متحمسه من روحنا و دمنا... لاعيبه مصريه رجاله... هدفها واحد وعلي قلب رجل واحد.. مش شايفين غير جماهير نفسها تفرح و واقفه ورانا علشان فرصتنا كلنا... و هدفنا كلنا... و حلمنا كلنا... ومحدش هيقدر يمنعنا من الحلم والامل... مهما كان اسم اللي هنواجهه... من حقنا الفرصه... ومن حقنا الحلم... وبايدينا ان شاء الله هنخليه واقع وحقيقة".