مصطفى درويش:" بزعل لما بقابل حد في الشارع ويقولي انت فينك مبكونش عارف أقول إيه"
كشف الفنان مصطفى درويش عن قرار التراجع عن الدخول في الوسط الفني في حالة الرجوع بالزمن قائلًا:" لو رجع بيا الزمن مش عارف هختار أدخل الفن ولالا، الصعوبات اللي فيها وانت شاب صغير بتحس أنها صعبة لما بتكبر بتحس إن الصعوبات لازم تقل شوية، لان قوة تحملك مش هتبقي زي ما كانت خبرتك بتزيد إنما التحمل بيقل مش بس جسديا لكن نفسيا لانك بتحس انك حققت وعلشان حققت بتحس انك مش محتاج تتعب نفسك التعب بتاع زمان إنما لما تحس انك حققت وتتعب اكتر من زمان دا تحميل نفسي عليك".
ماذا قال مصطفى درويش خلال لقاءه مع الإعلامية إنجي هشام؟
أضاف خلال حواره مع الإعلامية انجي هشام في برنامج المنسي عبر قناة هي:" حاليا بقولك اة ممكن لو رجعت بالزمن أقولك لا لو هتقوليلي حد من ولادك يدخل هقولك لا مش عايز وعلشان حاجات كتير مش بس صعوبات علشان ما بعد الصعوبات دي".
تابع:' الطبيعي أن البني آدم ميوصلش بسهولة دا الطبيعي إنما اللي طبيعي انك بعد ما بتواجه الصعوبات وتبدأ تحقق حاجه والسمك يحميك إن الصعوبات تعلى الصعوبات تعلى عشان تحافظ على الاسم اوك إنما تعلى عشان تشتغل وتحس انك بترجع تاني زي ما كنت بتعمل الأول ؟".
“ بحس إني غير مقنع”.. أبرز تصريحات مصطفى درويش مع الإعلامية إنجي هشام
ختم:" لما بتقابل في الشارع مع الجمهور وحد يقولي انت فينك يا فنان بزعل لإني مش عارف أرد أقول إيه وهو مش هيكون مستوعب اللي بقولهوله فبقول ربنا يسهل، وبحس إني غير مقنع لإني مش مصدق اللي بقوله ده اللي بيتعبني".
