دوللي شاهين تنتهى من تسجيل أغنيتها الجديدة «حوش الدلع»

انتهت الفنانة اللبنانية دوللي شاهين من تسجيل أغنيتها الجديدة التي تحمل اسم «حوش الدلع» المقرر طرحها قريبًا على صفحتها الخاصة موقع الفيديوهات العالمي يوتيوب، وتطبيقات والمنصات الموسيقية المختلفة، وعلى كل مواقع التواصل الاجتماعي.

من هم صناع أغنية «حوش الدلع»؟ 

أغنية «حوش الدلع » من كلمات دوللي وألحان وتوزيع احمد عبدالعزيز شريك النجاح من أغنية ننه هو إلي الأن، وتستعد   دوللي شاهين طرح فيديو ليريك من سيشن تصوير أغنيتها الجديدة «حوش الدلع »، الأسبوع المقبل.

آخر أعمال دوللي شاهين 

يذكر أن أحدث اعمال الفنانة دوللي شاهين، أغنية «حكاية بنت وأغنية حبيبتي يا امي وأغنية الملكة QUEEN »، التي طرحتها عبر حسابها الخاص بموقع يوتيوب.

وحققت الأغنية نسبة استماع ومشاهدة مرتفعة بعد طرحها بساعات قليلة، اغنية حكاية بنت   من كلمات السيد على وشاركت الفنانة دوللي شاهين في الكتابة معه وألحان احمد يوسف وتوزيع ورؤية موسيقية احمد عبدالعزيز، إنتاج دوللي شاهين. تم التسجيل والماستر في استديو مدحت صالح.

 وفي سياق آخر، كشفت الفنانة دوللي شاهين خلال تصريحات تلفزيونية عن دخولها في علاقة حب في الوقت الحالي.

دوللي شاهين: لسة عندي أمل وبعيش قصة حب

وأضافت: "بعيش دلوقتي قصة حب، والحب حاجة جميلة ولكن اللي يقدر قيمة الحب، إحنا بنسعى طول الوقت للحب الحقيقي ولما بنلاقيه مش بنتعامل معاه صح، وأنا بؤمن بالحب الزيادة وأن الحب أهم من أي حاجة في الدنيا، ولغاية دلوقتي مقتنعة أن لسة في أمل في الحب". 
 

دوللي شاهين:أنا هدعم بنتي في أي حاجة هي عايزاها
 

وتابعت:" أنا هدعم بنتي في أي حاجة هي عايزاها وأنا بغير عليها جدًا ولكني ست عقلانية، مقدرش أمنعها من حاجة محدش قدر يمنعني منها يعني بابا وجبروته ده كله مقدرش يمنعني".

وقالت: "أنا حاولت أنتحر كذا مرة والموت أهون عندي ولكن محدش يحدد مستقبلي، فمينفعش أجي دلوقتي بعد العمر ده كله أتحكم في مستقبل بنتي".

وواصلت: هي لو عايزة تبقى ممثلة أنا مش همنعها لأن محدش عرف يمنعني، ولكن أنا محبش إنها تدخل الوسط الفني لأنه تعب وشقى وعذاب ومش هيبقى عندها ضهر زي ما أنا معنديش ضهر ومعنديش حد يدعمني، وساعات بقعد من غير شغل علشان الوسط والشلالية، وده اللي بقوله لبنتي".
 

دوللي شاهين:ياريت كنت اتولدت في الزمن الجميل 

واختتمت:" مفيش حاجة اسمها سينما نظيفة، مفيش أنضف من سعاد حسني وهند رستم ومش هييجي أشطر منهم، وياريت كنت اتولدت في الزمن الجميل ده".