خالد سليم: حياتنا بتتسحب مننا في الشغل وفنانين كتير خذلوني وقت مرضي

كشف الفنان خالد سليم، خلال تصريحات تلفزيونية عن الإشاعات التي طاردته الفترة الماضية التي تخص إنه لديه إبنة ثالثة، قائلًا: نور دي تاني بيبي للعيلة وأول بنت، وهي بنتنتا كلنا، نور مينفعش أقول عليها بنت أختي، وهي السبب إني كنت أتمنى أكون أول خلفتي تبقى بنت، وربنا رزقني بخديجة وكنزي، لما الناس توقفني في الشارع ويتصوروا معايا، بيقفوا جنبي وعايزين يعرفوا ليه بيتصوروا معايا، خيرية مراتي متفهمة، وبيغيروا ساعات من والدتهم.

خالد سليم يتحدث عن الإشاعات التي تلاحقه

وتابع خالد سليم: مش بتضايق من الإشاعات وممكن تأثر عليا، وممكن خيرية مراتي تتضايق، وهي عارفة إن أي حد تحت الإضاءة معرضين لتدخل الناس، وديه حاجة ارتضينا بيها، وشغلنا قائم على الإشهار، وبالتالي الناس لما تتكلم بنتقبل، والفترة دي محصلش بيننا خلافات، ممكن خلافات بسيطة، فترة أزمته عانى كثيرًا وابتعد عنه أصدقاؤه، موضحا أن هناك الكثير من النجوم في الوسط الفني لا غبار عليهم، لكن هناك قلة نفسياتهم سيئة، عرفت نفسيات زملاء في فترة مرضي وفيه ناس سوده.

خالد سليم يتحدث عن صعوبات العمل في الفن

وعن صعوبات العمل، قال خالد سليم: شغلتنا دي بنقعد لغاية 14 ساعة في مكان شغلنا، أروح أنام ساعة، وأكرر نفس اليوم، وحياتنا بتتسحب مننا، وأصحابنا القريبين بيرموا طوبتنا.

خالد سليم يتحدث عن الأزمة التي تعرض لها خلال الفترة الماضية

كما تحدث سليم عن تفاصيل الأزمة التي تعرض لها خلال الفترة الماضية والتي أثرت في زيادة وزنه؛ نظرًا لحصوله على الكورتيزون، وقائلا: عانيت من ورم في الأحبال الشوكية، وأجريت عملية جراحية في الأحبال الشوكية وتم استئصال الورم، والدكتور محمد الشاذلي هو من عالجني والفنان حماقي هو اللي عرفني عليه.

خالد سليم: فنانين كتير خذلوني في وقت مرضي

واختتم خالد سليم: فنانين كتير خذلوني في وقت مرضي، وميهمنيش خالص، ولما مريت بالفترة دي وحصل كده من أكثر من حد، المشكلة في الفن من قلة ونفسيات الناس، وفيه حاجات بتتحكم في مشاعرنا لا إرادية، وممكن تحصل شوية حاجات مش هتفرق معايا، مش بيقولوا أعرف صاحبك وعلم عليه، وهما عارفين نفسهم، وهما كتير ومكنتش متخيل،  والناس ديه في الحاجة الحلوة مش بتقول رد فعلها، ولما الواحد وقع كلهم اتريقوا.

آخر أعمال الفنان خالد سليم

ويذكر ان آخر أعمال الفنان خالد سليم، هي مشاركته في حكاية جروب الماميز، من بطولة: دينا فؤاد وانتصار وحجاج عبد العظيم ووليد فواز ونورهان وهبة عبد الغني ويوسف إسماعيل وهشام الشاذلي ورباب ممتاز وأماني كمال.