أحمد سعد يحتفل بــعيد الحب بطرح "قادر أكمل"
يحتفل اليوم النجم أحمد سعد بعيد الحب، مع محبيه ومتابعيه بتقديمه أغنية رومانسية، عاطفية جديدة بعنوان "قادر أكمل"، والتى يحكى فيها عن مدى تعلقه وارتباطه بحبيبته، التى تؤيده وتسانده، ويصف عيونها بطوق النجاة، ويؤكد على أنها نصفه الأخر فى حياته، وهى التى تفهمه وتعشقه، ومن قبلها عمره غير محسوب.
تفاصيل اغنيه قادر اكمل
"قادر أكمل"، من كلمات أمير طعيمة، وألحان احمد سعد، وتوزيع موسيقى محمد عاطف الحلو، ومن إنتاج شركة "مزيكا" للمنتج محمد جابر، والمنتج المنفذ مصطفى جابر.. وتم طرحها الأن على اليوتيوب وعلى جميع المتاجر الإلكترونية.
وتقول كلمات الأغنية:..
أيوه بسببك قادر أكمل وقت ما بتعب ليكي بروح
لما بِبان الدنيا تقفل حضنك آخر باب مفتوح
ياللي عيونك وقت ما بغرق بالنسبالي دي مركب نوح
إنتي الحته الحلوه ف قلبي ببقى ف قربك مش قلقان
إنتي حبيبتي وأمي وبنتي وماليش بعدك تاني مكان
حببتيني ف أيام عمري رجعتيني لنفسي زمان
وأنا بين إيديكي إحساسي بيكي لو قلت ليكي مابيتحكيش
جيتي وبقيتي أهلي وبيتي
لو يوم مشيتي إزاي هعيش
عمرك لحظه ما نزلتيني لأ بالعكس أنا بيكي عليت
ولا بعتيني ولا خذلتيني وبتديني أكتر ما إديت
قبل ما بندهلك بتجيني
ضهري وسندي لو إتهزيت
نصي التاني إللي بيفهمني قبلك عمري ماهوش محسوب.
وطرح أحمد سعد، مؤخرًا أغنية "يا عراف"، بطريقة الديو مع زعيم ونوردو، وحققت الأغنية نجاحًا كبيرًا فور طرحها عبر قناته الرسمية على موقع الفيديوهات "يوتيوب"، وهي من كلمات محمد الفقي، وألحان أحمد زعيم وتوزيع موسيقي توما، والكليب من إخراج ياسين حسن وهو من توزيع شركة ديجيتال ساوند، وإنتاج كامب ونيو إيرا
كلمات الاغنيه
وتقول كلمات الأغنية: يا طبيب داويني، احتار الطب فيا، حبيبي يغيب عن عيني، والدنيا تلف بيا، يا خاله ارقيني، بدأت أشوف خيالات، صورته ما فارقت عيني، بشوفه في كل الأوقات، غيابه عليا طال وحالي حال، نفسي أعرف فين أراضيه، يا عراف عرفني، إن كان راح ونسيني، مين في سؤالي هيفيدني، ياريت لو ترسيني، يا مجروح روح اسهر عد نجوم لياليك، قمرك غاب مابقاش يظهر وغيابه كان صعب عليك، غيابه عليا طال وحالي حال.
