تامر حسين لـ "الفجر الفني": عمرو دياب ثقته فيا كبيرة جدًا.. وهذا سبب نجاح أغاني "مثلث التيمورية"

تحدث الشاعر الغنائي تامر حسين عن علاقته بالهضبة عمرو دياب والسر وراء نجاحهما المستمر سويًا، حيث قال: "عمرو دياب نجاحى معاه راجع لأني من وأنا طفل صغير واحد من محبينه وجمهوره بأغير على نجاحه وعايزه الأفضل".

و أضاف في تصريحه لـ "الفجر الفني": "لما عرفته على المستوى الشخصي زادت غلاوته عندى جدًا بمليون موقف.. وإحنا عشرة من ١٤ سنة إلى اليوم بنتكلم يوميًا في أدق تفاصيل العمل..وثقته فيا كبيرة جدًا".

تامر حسين: تامر علي ملحن عبقرى واتشرفت بكل نجاحاتي مع تامر حسني

وكشف سبب نجاح (مثلث التيمورية) سويًا كما يطلق نجم الجيل تامر حسني علي الأغاني التي تكون من كلمات الشاعر تامر حسين وألحان الملحن تامر علي وغناء تامر حسني.

أوضح تامر حسين السبب وراء ذلك قائلًا: "تامر علي ملحن عبقري وحساس جدًا وله علامة وبصمة مميزة مع أى نجم بيشتغل معاه وله نجاحات كبيرة مع تامر حسني".

وأضاف: "لحُسن حظي لما نزلت مع تامر حسنى كانت بألحان تامر على وكلنا برج الأسد  وتامر حسنى فنان جميل وأخ وصديق محترم اتشرفت بكل النجاحات اللى عملتها معاه".

وأوضح سبب حبه لأغنية "وأنت بعيد" وبالأخص أنه يقوم بنشرها كثيرًا عبر صفحته الرسمية بمواقع التواصل الإجتماعي، حيث قال: “بحبها جدًا لأنها من أول الأغاني اللى خدها منى تامر حسنى في 2018 بس مانزلتش مع ناسينى ليه وعنده حق".

وأضاف: " السبب وراء ده أن الاغنيه كانوا هيأثروا على بعض واستخدمها ف السياق الدرامى كان مؤثر جدًا"

أعمال جمعت بين تامر حسين والهضبة عمرو دياب

غنى له الفنان عمرو دياب الكثير من  الأغاني التي يصعب جمع عددها من ضمنها:

(وياه، مكنتش ناوي، بناديك تعالي، مالي عينيا، يوم ما اتقابلنا، جرالي ايه، الليلة، وهي ذكريات، حبيت يا قلبي، فوق من اللي أنت فيه، شفت الأيام، ساعة الفراق، أنا مش أناني، رسمها، عكس بعض، راجع، معاك قلبي، قلبي أتمناه، حبايب ايه، باين حبيت، سهران، يوم تلات، قدام مرايتها، هيعيش يفتكرني، مكانك في قلبي، شكرًا، عايز اعمل زيك، أنت الحظ، اللي يمشي يمشي... والكثير من الأغاني 

أغنية و"أنت بعيد"

أغنية وأنت بعيد هي من ضمن أغاني فيلم "بحبك" وقد حققت الأغنية نجاحًا كبيرًا منذ طرحها.

وتقول كلمات الأغنية:

يا حبيبي ليه مشيت وسبتني للذكريات
كنت خايف من الفراق وافتكرت اني اتنسيت
وقت صعب ما يتحكيش زي اي احد مات
من عذاب لإشتياق والكلام زي السكات

وانت بعيد وانت بعيد
قلبي اتوجع وتعبت منه
عدى اللي ضاع بعد الوداع
وانا بين يديك عوضني عنه

كل ما اسمع سيره ليك
كنت بحضن في الكلام
من حنيني ل اللي كان

كنت بمشي انده عليك
اوعى تاني في يوم تروح
صعب اعيد نفس الألام
اوعى تاني تغيب عشان
انت بالنسبالي روح

وانت بعيد وانت بعيد
قلبي توجع وتعبت منه
عدى اللي ضاع بعد الوداع
وانا بين ايديك عوضني عنه
عدى اللي ضاع بعد الوداع