فقدت النظر ستة أشهر وتكشف زواجها الثاني.. أبرز تصريحات أمل رزق في برنامج " كلام الناس "

حلت الفنانة أمل رزق، ضيفة في برنامج " كلام الناس " مع الإعلامية ياسمين عز،المذاع على شاشة إم بي سي مصر،وتحدثت عن كواليس في حياتها الشخصية لأول مرة تصرح بها، لذلك نستعرض أبرز تصريحاتها في السطور التالية. 

أمل رزق  تفقد نظرها 

قالت أمل رزق: "في 2013 كان ربنا إبتلاني كان عندي شوية صدمات، وكنت بفكر كتير جدا، وعندي عصب في دماغي ضرب واتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني"، حسب تصريحاتها في برنامج "كلام الناس" الذي تقدمه ياسمين عز عبر شاشة "MBC مصر".

كواليس زواج أمل رزق من المنتج إسماعيل كتكت 

تحدثت أمل رزق خلال الحلقة عن فترة زواجها من المنتج الراحل إسماعيل كتكت، قائلة: "لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها وجايب لها معالق ألماظ في البيت، وده مكنش له أي أساس من الصحة مخلتهوش يعملي بطولات ومكنتش هقبل، وهو مكنش عايز ينتج ليا من الأساس".

وأضافت: "كان بيقولي لا يصح إلا الصحيح، وإحنا هنبدأ واحدة واحدة، ولكن بعد فترة، كنت بلمح له إنه ينتج ليا وسألني إيه اللي اتغير فيا لأن كبريائي كان بيمنعني أسأله".

تفاصيل زواج أمل رزق للمرة الثانية

وكشفت الفنانة أمل رزق، تفاصيل زواجها للمرة الثانية بعد وفاة زوجها إسماعيل كتكت بسنتين، قائلة: "ربنا رزقني بشخص كويس جدا ميختلفش عن إسماعيل وكنت لوحدي أنا وبناتي وكان لازم يبقى معانا راجل”٫ لافته: “ بناتي كانوا رافضين زواجي في البداية بس اقنعتهم بالعافية وكنت مخبيه عنهم في الأول بس بعد كده حبوه جدا هو وعائلته”.

وأوضحت: “أنا اتجوزت لأول مرة وأنا عندي 19 سنة ومنصحش إي بنت في الجيل الحالي تعمل كده لإني شيلت المسئولية بدري جدا وكمان فضلت أخلف بس أنا كنت فرحانة، لكن الجيل الحالي صعب يشيل المسئولية بدري”.
 

سبب إنفصال محمد الشرنوبي عن ابنة أمل رزق 

كشفت الفنانة أمل رزق، سبب انفصال محمد الشرنوبي عن ابنتها، مشيرة إلى أنها دعت الله في الحج أن يقربه منها لو يحمل خيرًا ويبعده عنها لو به شر ودعوتها أجيبت، قائلة: "دعيت في الكعبة وقلت لو محمد الشرنوبي فيه خير من بنتي يقربه ولو شر يبعده وربنا يسعدها ويوفقها علشان دي بنتي الكبيرة أول فرحتي وطيبة ونقية ودعيت من قلبي وقتها ".

وأضافت: "بدعي لولادي من قلبي إن ربنا يقدم لهم كل خير وبتمنى ليهم السعادة، وأنا في الطيارة قالت لي ماما هقول لك خبرين الخبر الأول جالها شغل بتحبه والخبر التاني قالت لي ماما أنا انفصلت عن الشرنوبي قلت لها اللي فيه الخير يقدمه ربنا واللي إنت مقتنعة به أنا في ضهرك".
 

وواصلت: "أحب ولادي أكثر من أي حد في العالم وأتمنى لهم الخير دائما".
 

آخر أعمال  أمل رزق

يذكر أن أخر أعمال أمل رزق كان مسرحية "زقاق المدق" عام 2021 من إخراج عادل عبده، معالجة درامية محمد الصواف، وبطولة دنيا عبد العزيز، ضياء الميرغني، محسن محي الدين، نهال عنبر، بهاء ثروت، مجدي فكري وكريم الحسيني.