أحمد كشك يُشيد بإخلاق دياب "مينفعش نشتم في بعض" والآخر يرد

وجه الفنان أحمد كشك رسالة للفنان دياب وذلك عبر حسابه الشخصي بموقع التواصل الإجتماعي "فيسبوك"، وشكر الفنان أحمد كشك في اخلاق الفنان دياب وذلك بسبب حلقته أمس مع الإعلامية انجي على على راديو نجوم fm في برنامج" أسرار النجوم "

الفنان أحمد كشك يوجه رسالة حب للفنان دياب بسبب حلقته أمس مع الإعلامية انجي على 

ونشر الفنان أحمد كشك، صورة للفنان دياب مع الإعلامية انجي على عبر حسابه وعلق عليها قائلًا:"امبارح كان النجم  دياب  في حلقة على اذاعة نجوم اف ام مع المذيعة  انجي علي  ، دياب ضرب مثل حقيقي وعطى كورس في جملة  اصول الشغلانة.. اتكلم عن كل زملاؤه بكل تقدير وادب واحترام، حتى اما عاتب مصطفى حجاج  وقال إنه زعلان منه في موقف ما".

دياب يُشيد بالفنان أحمد سعد 

وتابع:"كان بين كل جمله وجمله بيقول  مصطفى صوت مهم وفنان موهوب  …، لما انجي استرسلت في كلامها عن موهبة احمد سعد  واعتقد ان ده مش صح في عالم الاعلام انك تكون مستضيف نجم وتسترسل في الثناء على نجم اخر  كان رد فعل دياب إنه قالها احمد سعد قادر يغني الاسكريبت اللي قصادك ده  وقالها بكل صدق وكمل معاها استرسال في شطارة وموهبة احمد سعد ".

دياب يرفض القول بأسم المخرج الذي يتمنى العمل معه

وأضاف:" وطوال الحلقة حاجات من النوعية دي بقى، في اخر الحلقة سألته انجي  مين اكتر مخرج نفسك تشتغل معاه، رد وقال اسف مش هقدر اقول !!!، انجي علي استغربت جدا وسالته ليه، وكان رد دياب بكل ثقة واحترام لنفسه وموهبته وبذكائه الشديد اللي انا عارفه عنه  ده يبقى نوع من انواع التملق … اسف  ". 

أحمد كشك للفنان دياب:" شكرا يا دياب … دايما كبير يا صاحبي "

واستكمل:" انا بحكي الكلام ده ليه بقى !! عشان اقول لناس كتير في شغلانتنا -  لو سمحتم اتعلموا من دياب، اتعلموا ان الشغلانة ليها اصول ومينفعش نخرج كل يوم في البرامج نشتم في بعض وننتقد بعض ونهين بعض.. وطبعا الاعلام والصحافة واكلين عيش على قفى الاسلوب ده لما شبعوا - احنا بقينا شغالين نقاد مش فنانين.. انتوا كده بتهينوا المهنة بالكامل والله..  شكرا يا دياب … دايما كبير يا صاحبي ".