بعد إحباط الشباب.. تامر حسني يوجه نصائح للموهوبين

وجه الفنان تامر حسني رسالة لمتابعيه عبر مواقع التواصل الاجتماعي المصابين باليأس والإحباط، مشيرا إلى أنه عمل في جميع المهن إلى أن أكرمه الله، وكتب تامر حسني، منشورا عبر حسابه الرسمي بموقع التواصل الاجتماعي فيسبوك، وإذ قال فيه: «قرأت معظم التعليقات على قد ما قدرت على آخر بوست ليا اللي تحت ده، وفهمت أكتر حاجتين من تعليقاتهم عاملين إحباط لمعظمكم، أولًا اليأس من النجاح وثانيًا إحباط المقربين».

تامر حسني يمنح الامل لجمهوره بعد معاناته

وأضاف تامر حسني: «بعضكم واصل لفقدان الأمل والشغف وبعضكم فاقد الأمل في الحياة نفسها، هطلب طلب منكم قبل أي شيء افتكروا معاناتي في بدايتي وظروفي الصعبة من غير أب ومن غير أي فلوس وبنزل أشتغل في الشوارع من عامل بنزينه لسوبر ماركت لفاعل، يعني اللي بيبنوا العمارات بطلع طوب وأسمنت، عشان أرجع بيتي لأمي الغلبانة بأي خمسة جنيه، بالإضافة لمرتب النادي لما كنت بلعب كورة، وكان مرتبي 22 جنيه في الشهر منهم بقى تحويشة المياه والكهرباء وعمليات أخويا، عشان كان عيان لفترة كبيرة، كنت بعمل المستحيل فعلًا عشان أمي وأخويا وعشان أوصل لهدفي».
وتابع: «كان جوايا سعي دائم لطريقين الكورة والغناء، وبقول ده عشان ناس كتير عايز أنصحها بالخطة البديلة، عشان لو الحلم مجاش يكون في غيره زي ما أنا كان نفسي أبقى لاعب كورة، والكورة مش ليا، والأندية كلها مشوني، رغم تفوقي كنت بسأل نفسي ليه الأبواب كلها بتتقفل في وشي أتاريها بتتقفل عشان توجهني لمسار آخر، ولما آمنت بكده فهمت قدام أن ربنا كان شايلي الأحسن ليا بس ساعتها مكنتش فاه».

تامر حسني عن فكرة الأحباط

واختتم تامر حسني حديثه: بالنسبة للمحبطين هيفضلوا موجودين أنت اللي بتسمعلهم وأنت اللي بتسمح أنك تتأثر بيهم امنع ده فورًا، متبقاش السبب في أذية نفسك متتشدش غير لكل جميل ولكل إيجابي هتلاقي كل الحلو بيجيلك ومتعملش العكس عشان هيجيلك برضو، عشان كده بقولك أنت السبب دايمًا قول يارب واجتهد وافهم أن الراحة المطلقة في الجنة بس، وإحنا على الأرض، وربنا قال أنه خلقنا في كبد يعني شقاء عشان يكون عندنا تحدي نكسبه ولازم نكسبه، عشان كتير قبلينا كانت ظروفهم أصعب ووصلوا يبقى الموضوع فينا، متبقاش أكبر عدو لنفسك، أنت السبب، خد قرار صارم فورًا في التغير والنهوض والنجاح، والله هتوصل متسمعش غير لقلبك وسلم قلبك للّي خلقه وتوكل على الله.

أخر اعمال الفنان تامر حسني

يذكر أن الفنان تامر حسني طرح كليب أغنية "عشأنجي"، منذ أيام، عبر قناة روتانا على موقع "يوتيوب"، وعلّق تامر، على مقطع الفيديو الذي نشره، وذلك عبر حسابه بموقع "إنستجرام"، قائلا: "‎أغنية (ليه طلة) من حفل طرح ألبوم (عشأنجي) للفنان تامر حسني بالعلمين الجديدة صيف ٢٠٢٢".

كما شارك الفنان تامر حسني، مقطع فيديو لأغنية "ليه طلة" من أحدث ألبوماته "عشأنجي" من حفله الغنائي بمدينة العلمين الجديدة.

فيلم بحبك 

حقق فيلم "بحبك" الذي يشهد أول تجارب الفنان تامر حسنى الإخراجية فى السينما، أكثر من 2 مليون جنيها خلال دور العرض، ويشارك فى بطولته كل من: هنا الزاهد وحمدى الميرغنى ومدحت تيخة وهدى المفتى وعمرو صحصاح وتميم عبده وسمر محمد متولى.

وتصدر فيلم "بحبك" للنجم تامر حسنى تريند مواقع التواصل الاجتماعي، وذلك بعد وصول إيراداته إلى مليونًا و517 ألف جنيه في شباك التذاكر، منذ بداية عرضه خلال أيام عيد الاضحى الماضي، يقوم ببطولة فيلم بحبك تامر حسني كما أنه من تأليفه واخراجه، بالإضافة إلى هنا الزاهد وحمدى الميرغنى ومدحت تيخة وهدى المفتى وعمرو صحصاح وتميم عبده وسمر محمد متولى،