بهاء الدين محمد لشيرين عبد الوهاب :"ماتجرحنيش من أهم أعمالي"
بعد ندمها على تقديم أغنية "ماتجرحنيش".. بهاء الدين محمد يرد على شيرين عبد الوهاب
رد الشاعر بهاء الدين محمد على تصريح الفنانة الفنانة شيرين عبد الوهاب التي أكدت خلاله ندمها على تقديم أغنية "ماتجرحنيش" التي كتبها لها، وذلك من خلال حسابها الشخصي على موقع التواصل الاجتماعي "فيسبوك".
كتب بهاء الدين محمد منشورًا قال فيه:"مش متعود أرد على أى حد، ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!".
وتابع بهاء الدين محمد:"وح أتكلم بإختصار جدًا في المشهد الأول، أول يوم دخلت شيرين عبدالوهاب مكتبى كانت مع نصر محروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!".
وأضاف بهاء الدين محمد:" المشهد الثاني رشحتها تغني كتير بنعشق ولولا موافقة نصر إحترامًا للعشرة اللى بنا ماكانتش ح تغنيها؛ لإنها كانت موقوفه من النقابة".
وواصل كلامه قائلًا:" أما المشهد الثالث:لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعني الجديد وده طبعا خطأ لأن اللي بيغني مهما كان إسمه مش المفروض يغلط غلطة زي دي!!! لأن المشهد ده مش لايق على المشهد الأول".
واختتم كلامه قائلًا:"المشهد الرابع والأخير، أغنية ماتجرحنيش أنا لحد الآن مش عاجبنى غُنا شيرين مع إحترامي الكامل لصوتها وأكيد لولا نصر ماكانش ح يتم اللقاء، وماتجرحنيش من أهم أعمالي ومن حقى أدافع عنها نتاج تهور اللى غنيتها، وكمان لأول مره ألاقى حد بيحارب نَفسه وبيغلط ف مبدعين إشتركوا ف صناعته !!، وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تاني وأنتى بتكبري بس مش ح تعدى حدود حجم بعض الأسماء ولا أعمالهم".
