رحيل ذكري لـ الشقنقيري: مستحيل أمشي في الحرام.. وعشريناتي ضاعت بسببك

ظهرت الموديل رحيل ذكري، في فيديو جديد تهاجم الفنان محمد الشقنقيري، بعدما أثارت جدلًا واسعًا خلال اليومين الماضيين، بتداول صور وفيديوهات تجمعهما، وتعلن من خلالها انفصالها عنه، وهو ما استنكره الأخير، وذلك عبر صفحتها الشخصية موقع تبادل الصور والفيديوهات "إنستجرام".

وقالت رحيل ذكري عبر صفحتها الشخصية، "طبعا أنا لسه حاطة لكم صورة، كانت سيشن قديم، ظهرت فيه، وكان فيه إيد كاتمة بوقي، وهو ده ردي عليه، بقول له مهما عملت محضر، لو مليون محضر أنا بالنسبة لي مش طار أنا مش عاوزة حقي كنت عاوزة راجل، وأنت ما طلعتش راجل".

وأضافت: "لازم تعرفوا يا جماعة، بالعقل والمنطق، حاولوا تشغلوا دماغكم، وبلاش أسلوب أن الأغلبية ترمي الاتهامات، والكلام مش محمد الشقنقيري اللي أطلع بيه تريند، أنا اللي طلعته تريند، مين كان بيسمع عنده غير بعد ظهوره معايا؟

و أكملت حديثها قائلا: "لو عاوزة شهرة هجيبه هو ليه.. اللي عمره خمسين سنة، أنا اللي طلعته تريند - مع كامل احترامي ليه - فالواحد فيه اللي مكفيه، بلاش ترموا  الناس بالتهم.. لو عاوزة أطلع تريند، أجيب لي شاب حلو من اللي مسمعين، وأطلع معاه موديل وأبقى تريند".

وتابعت: “اللي تفتكروه موسى يطلع فرعون، مفيش واحد هيمشي مع واحدة، وعنده زوجة أولى وهيأمنها ويتصور معاها، وهو بيحضنها ويبوسها، ويسيب الصور دي معاها”.

وأضافت: "الزواج هو الإشهار بغض النظر إن كان عرفيا رسميا أيًا كان وكل عيلتي عارفة، وفيه مكالمات مسجلة مع الشقنقيري ووالدي ووالدتي أنا مش منحلة وماشية على حل شعري، مكالمته مع ماما مستجلة وبواب العمارة شاهد، كان بيجي من فترة للتانية، وبيبعت للولاد هدايا".

وأردفت وهي تبكي: “أنا بقول بعلن الانفصال، لأنه طلقني بتنكر، عشان خايف وجبان، ده شيء يرجع لك، كل ما فيه شيء بيتعمل هفضل أرد، ولسه عندي مفاجأت ما ظهرتهاش، مش هطلع كله، كنت ببكي البكى دا من كتر حبي فيك”.

وأكملت "الحب صفة إلهية بإيد ربنا، ربنا بيزرع الحب في قلوبنا، ومن وقت ما عرفتك وأنا في مصايب ما عدا أول شهور اللي هي كانت حلاوة البدايات، فيما عدا ذلك مشفتش معاك شيء حلو، كنت بفضل مستنية بالساعات، وما تجيش، وكان نفسي أتكلم معاك، ما كانش من حقي، وحطيت في بقي جزمة قديمة، أديتك ورقتي الجواز عشان هبلة أنا من رابع المستحيلات أمشي مع حد في الحرام، ربنا قدر إني حبيتك، وما حدش يلومني، مفيش ست هتاخد راجل  من واحدة، اتبهدلت وأنا كل عمري 29 سنة، وفترة عشريناتي راحت كلها مصايب ورا بعض مش بتقف".