المخرج أحمد خالد أمين يكشف تطورات حالته الصحية بعد تعرضه لانفجار قرحة بالمعدة

تعرض المخرج أحمد خالد أمين، لوعكة صحية ألزمته الخضوع لعملية جراحية داخل إحدى المستشفيات.

وكشف المخرج عن تفاصيل الأزمة الصحية وذلك عبر صفحتها الشخصية بموقع التواصل الاجتماعى "فيسبوك".

وكتب أحمد خالد أمين: “الحمد لله والشكر لله ربنا كبير أو ي علشان ابقي بكتب دلوقتي بايدي وفايق كده ده، بفضل ربنا وتسخير عباده الصالحين أنا عملت عملية كبيرة".

وتابع: "بس الحمد لله عدت علي خير وهخرج من المستشفى خلال أيام، وهى عملية ثقب في الإثنى عشر بسبب انفجار قرحة في المعدة".

وأكمل حديثة قائلا: "العادات السيئة يا جماعة بطلوها أرجوكم أفطروا واشربوا ماء، الصحة كنز لا يفنى، وعاوز أشكر كل اللي لحقوني وكانوا جانبي وهم، استاذ جورج رمسيس المنتج الفني كنت أكتر من اب، وجورج الصغير الراجل اللي مفيش منه راجل من ظهر راجل وشيرين أكمل الست الجدعة الأصيلة".

وأضاف: "إيهاب فهيم بجد مش عارف ألاقي كلام يعبر عن اللي عملتوه، واخواتي وأصحابي اللي طلعت بيهم محمد وجيه ومحمد السعدني اللي عنده اصحاب زيكم الدنيا بخير وعيلتي كلها وعيله دينا زوجتي كلهم، وأخيرا وليس آخرا أم عيالى اللي مفيش منها اللي قاعده جنبي 4 أيام انا بنام وهي صاحية، ربنا يخليكي ليا ولولادنا، وان شاء الله ايام واكون في البيت في وسط لمه البيت، والحمد لله اولا واخيرا".