"محدش فينا معاه مفاتيح الجنة".. شذى توجه رسالة لـ أدهم نابلسي بعد اعتزاله للغناء

وجهت الفنانة شذى رسالة إلى المطرب أدهم نابلسي بعد اعتزاله للغناء، وذلك من خلال حسابها الرسمي على موقع التواصل الاجتماعي "فيسبوك". 

كتبت شذى منشورًا قالت فيه: "اللي شايف إن الفن حرام أهو ربنا عفى عنه واللي شايفه حلال ربنا يرزقه ويكرمه، يا جماعهه محدش فينا معاه مفاتيح الجنه والنار". 

 

وتابعت قائلة:" كل واحد جاي الدنيا لوحده وماشي منها برضو لوحده المهم بس كل واحد يثبت على مبدأ  علشان التذبذب هو اللي وحش، ربنا رب قلوب نصفي قلوبنا ونبطل نغتاب ونقف في رزق بعض ونإذي بعض ونسيب الكفر والإيمان لخالق الخلق نتعامل بس صح مع بعض الأول".
 

واضافت قائلة:" ملحوظة اللي يعرف أدهم نابلسي يقولوا ربنا يكرمك ويكتبلك الخير بس  ربنا مخلقناش بس لنعبده متاخدش جزء وتسيب أجزاء ربنا خلقنا لنعبده ونسعى ودائمًا الرزق من الله جزاء التعب والشغل والاجتهاد وكل واحد وقناعاته بس لا ينفع حد يحرم ولا يحلل نعمل اللي علينا والباقي نسيبه للخالق عز وجل". 

واستكملت كلامها قائلة: "وفي آيات كتيره بتحث على الشغل زي م  ذكرت 
بسم الله الرحمن الرحيم(و ما خلقت الجن والإنس إلا ليعبدون ) صدق الله العظيم".

واختتمت كلامها قائلة:"في كمان 
بسم الله الرحمن الرحي(فَإِذَا قُضِيَتِ الصَّلَاةُ فَانتَشِرُوا فِي الْأَرْضِ وَابْتَغُوا مِن فَضْلِ اللَّهِ وَاذْكُرُوا اللَّهَ كَثِيرًا لَّعَلَّكُم تُفْلِحُونَ ) صدق الله العظيم، انتشروا في الأرض المقصود بيها الشغل والسعي متخلقناش علشان نقعد نتعبد وبس لكل حاجه وقت وأخيرًا، ربنا يصلح حالنا جميعًا ".