مصطفى حجاج يطرح أغنية جديدة بعنوان "تعظيم سلام" عبر "يويتوب"

أطلق المنتج هانى محروس أحدث أغاني المطرب مصطفى حجاج "تعظيم سلام" عبر قناته الخاصة على موقع تبادل الفيديوهات العالمي "يوتيوب"، وهى من كلمات وألحان عزيز الشافعي.

كلمات الأغنية
"تعظيم سلام للمخلصين بالأسم مش بالفعل، بتعرفوا تمثلوا شاطرين أوي بالفعل
لايق عليكم كدبكم وغدركم لايق، بس اسمحوا نقول كلمة الحق اللى بتضايق
أصل الزمان ده الطيبة فيه خيبة وتتعيب، ويعمل ايه ابن الأصول في الدنيا دي طيب
وعيش وملح ايه اللى هنلومكم عليه خلص، بعتونا وقبضتوا التمن للدرجة دي وصلت
سلام كبير للكدابين على مستوي عالي، خدعونا فعلا نعترف ووقعنا م العالي
ونزلونا وقللونا وجرحوا فينا الغلطة كانت مننا والطيبة عيب فينا، اللى راح راح راح سيبك منه
واللي جاي جاي جاي هقل منه، العيش والملح بقي مياه، وشوش عكرة مش اللي هي
في المصلحة كلها مرمية في الخسارة باعوا القضية
اكتب اكتب اكتب يا تاريخ ظلم من هنا للمريخ، كل حق مسيره هيترد صدقوني هيعجبكوا الرد
كله ضاع مع السلامة كله سكة السلامة، خربانة خربانة معانا مش خلصانة
ساعة القدر يعمي البصر مشوفناكوش م الأول، ومين يصدق ان الملاك لشيطان بيتحول
وادينا دوقنا مركم بعد اما شوفتوا عسلنا، مكانش لينا في حبكم ولا ليكوا أمثالنا
بنداوي جرح نلاقي جرح وامتي نداوي، احنا ابتدينا بحبكم ونهيتوا بعداوة
وازاي يا ناس ظالم مع مظلوم بيتساوي، دوستوا علينا وقلبنا بالأرض يتساوى"

وكان "محروس" طرح أغنية "أبويا قالى زمان" الدويتو الذى يجمع مصطفى حجاج ورضا البحراوى منذ فترة قصيرة، وتم تصويره ‏بمنطقة روض الفرج بوسط القاهرة، وحقق نجاحا كبيرا.

أغنية "أبويا قالى زمان" من كلمات أحمد سامى وألحان عزيز الشافعى وتوزيع إسلام شيبسى والفيديو كليب إخراج محمد عبد ‏الجواد والهندسة الصوتية والرؤية الفنية والدرامية لهانى محروس.‏