أحمد جمال يتعاطف مع الطيار الذي تم إيقافه بسبب محمد رمضان
تعاطف الفنان أحمد جمال، مع الطيار الذي تم إيقافه عن العمل مدى الحياة بسبب ما فعله الفنان محمد رمضان.
وكتب جمال، على صفحته الرسمية بموقع "الفيسبوك" وقال:"بعيداً عن الفن شوية.. انا متعاطف جداً مع الطيار اللي تم إيقافه مدى الحياة وبناشد معالي وزير الطيران المدني انه يعيد النظر في الموضوع فقط من الناحية الإنسانية كلنا بنغلط والراجل غلط ويستحق العقاب لكن ميوصلش لقطع عيشه مدى الحياة لأنها صعبة اوي عليه وعلى أولاده وبيته".
واستكمل "أحمد"، كلامه قائلاً: "ويمكن الطيار ده اللي طلع واتكلم لكن اكيد في بيوت تانية اتقفلت بسبب نفس الموقف، رجاءً اعطاؤه فرصة تانية ولكم حسن التقدير".
ونال المنشور على ألآف الإعجابات وعلق الجمهور قائلاً:"عندك حق والله الواحد حزين على الراجل دة جدا اة هو غلط بس ميستهلش أنه يتوقف مدى الحياة على الأقل انذار إنما تنهى مسيرته وتعب عمره كدة حراام والله"، وقال معجب آخر:"والله انت إنسان محترم الله يجزيك الخير ويارب يرجعوه تاني ..ومع كل ده ماسمعناش كلمة من محمد رمضان اللي اتسبب بقطع عيش الراجل . لله الأمر " ، وكتب آخر:"ربنا موجود ولو له نصيب في حاجه خير ربنا مش هيتخلي عنو بسم الله الرحمن الرحيم واعلم ان لو الامه اجتمعت علي يضروك بشي لن يضروك بشي الا وقد كتبه الله عليك واعلم ان لو الامه اجتمعت علي ان ينفعوك بشي لن ينفعوك بشي الا وقد كتبه الله لك صدق الله العظيم"
يشار أن جمال يستعد لطرح أغنية "كل سنة وأنت طيب" في عيد الحب ، ومازال يحتار في تسمية ألبومه الجديد بين أسمين "وقت مش مناسب" و عجباني" والالبوم به أغاني متنوعة وتناسب الجمهور كله.
