روجينا لأشرف زكي.. انا كنت صغيرة وأنانية ومش فاهمة حاجة
نشرت الفنانة روجينا، بعض الكلمات المؤثرة لزوجها نقيب الممثلين أشرف زكي عبر حسابها الشخصي على موقع التواصل الإجتماعي "فيسبوك".
وكتبت "روجينا" قائلة: ماانا كنت صغيرة ومش فاهمة وأنانية وعايزاة جنبى باستمرار وكانت مشكلنا أول الجواز أنت بتفضل النقابة عليا يعني ممكن يلغي معاد مهم ليا معاه عشان رايح مستشفى أو بيحل مشكلة في تصوير أو فية واجب عزا لغاية ماربنا حب يعلمني أو يادبني أو يربيني.
وأضافت "روجينا" ماهو تربية ربنا أعظم تربية فيحصلي حادث موت واقعد في المستشفى أربعين يوم ماهونش عليا غير أهلى وزميلي والناس ووقفهم جنبي ماكنش فية مواعيد زيارة الناس كانت على طول موجودة والله على جبر الخاطر والناس بتطبط عليك وأنت في أشد الأحتياج لده الناس دي ماكنتش بتجيلي أنا كانت بتيجي لاشرف لانها كانت بترد اللي بيعملة معاهم لان هو كل سعادتة في الدنيا وهو بيساعد حد وهو واقف جنب حد وهو بيواسي حد وهو بيحل مشكلة لحد وعمره مافرق بين كبير وصغير من ساعة الدرس دا أتعلمت أنه في حد في الدنيا هو الأمان السند هو دا اللي هكلمة أول مايحصلي حاجة دا نقيبي أشرف زكي .
واختتمت "روجينا" عبراتها قائلة: تعلمت كمان أن اللي بيعملوا أشرف جوزي هيترد ليا أنا وبناتة وهيبقى في ميزان حسناتك هعيش أنا وبناتك فخورين بيك ياحبيبي، ربنا يحفظك لنا ويديك الصحة وطولة العمر.
وعلى صعيد أخر قدمت "روجينا" العديد من الأعمال السينمائية منها لعبة الأيام، المصير، يوم الكرامة، على جمب يا اسطى، الفرح، محترم إلا ربع، هروب إضطراري.
وشاركت "روجينا" في العديد من الأعمال التليفزيونية منها ليالي الحلمية، المال والبنون، الوهم والسلاح، وجوه الحب، عروس البحر، الشراقي، مبروك ألف مبروك، أوراق مصرية، حكايات زوج معاصر.
