شيماء سيف: "خطيبي بيموتني من الضحك بس أنا نكدية زي باقي الستات"

قالت الممثلة شيماء سيف: "أنا عذراء الربيع"، تعليقًا على  شائعة زواجها وطلاقها، وأنها تشارك فى دراما رمضان بمسلسل "بالحجم العائلى" مع الفنان يحيى الفخرانى وميرفت أمين، مشيرة إلى أنها لن تقوم بتصوير عمل آخر قائلة: "كفاية على يحيى الفخرانى فى رمضان"، معبرة عن سعادتها بالعمل معه فى المسلسل .

وأضافت مع الإذاعية فاطمة مصطفى مقدمة برنامج "الراديو بيضحك" على راديو 9090: "بيضحكنى جدا الفنان عادل إمام ومعاه أسطورة الكوميديا سمير غانم اللى كل إفيه بيقولوه بيضحك، وطبعا دنيا سمير غانم وياسمين عبد العزيز بيضحكونى جدا". وقالت أيضا إن كواليس تصوير مسلسلها الأخير "فى الـ لالا لاند" كانت مليئة بالمقالب، وخصوصا من محمد ثروت، وحمدى الميرغنى، ومحمد سلام.

وروت شيماء سيف موقفا كوميديا قام به الثلاثى معها قائلة: "التلاتة اقنعونى إنى أعمل مساج، وأول ما دخلت البنت بتاعت المساج لقيتها هاتك يا ضرب، وبعدين عرفت أن كان المفروض أقولها نوع المساج اللى عايزاه".

وأضافت متحدثة عن خطيبها محمد: "لما بيقعد معايا بيموتنى من الضحك، بس أنا على العكس على طول نكد معاه زى أى ست مصرية أصيلة".