تامر عبدالمنعم لـ"أبو تريكة": "لو راجل ارجع مصر ومتقعدش في قطر عشان مش هنسيبك" (فيديو)

شنّ الإعلامي تامر عبد المنعم، هجومًا ناريًا على محمد أبو تريكة، نجم النادي الأهلي والمنتخب الوطني السابق، تعليقًا على مقطع فيديو قديم للأخير قبل انتخابات الرئاسة قبل الماضية عام 2012، وهو يدعم محمد مرسي، مرشح جماعة الإخوان وقتها. 

وقال "عبد المنعم"، خلال برنامجه بقناة العاصمة، "فيه ناس بتقول إن أبو تريكة مش إخواني، لأ هو إخواني، أى حد ينتمي لهذا التيار نقوله شكرًا، ومش هانسكت ومش هنسيبك حتى لو عندك ناس تشتمنا هانشتمهم ومش هنسكت". 

وتابع، "أبو تريكة لو راجل وشايف نفسه صح كان رجع مصر، وما يقعدش في قطر، كلنا بنتعرض لمشاكل لكن بنواجهها مادمنا على حق، لما تيجي الدولة تقولي إنه متورط يبقى لازم أشوف وأبحث لأنه مش نبي وفوق الشبهات، يا إما يعتذر للشعب المصري إنه جابلنا محمد مرسي، وإداله صوته وخلى قطاع كبير من محبيه يمشوا وراه".