بعد مصرعه في حادث مروع.. حكاية مصور الشرقية "عريس الجنة" (صور)

استيقظ رواد موقع التواصل الاجتماعي، اليوم الثلاثاء، على فاجعة وفاة "مصطفى م ع"، مصور فوتوغرافي، من أبناء مخافظة الشرقية، بعد تعرضه لحادث سير وهو برفقة والدة خطيبته وشقيقها بطريق "العاشر – الإسماعيلية" الصحراوي مساء أمس.

 

وتحولت صفحات مواقع التوصل الاجتماعي لدفتر عزاء للشاب المكافح والمتفوق في عمله بشهادة الجميع.

 

البداية

تلقى اللواء رضا طبلية، مدير أمن الشرقية، إخطارًا من اللواء محمد والي، مدير المباحث الجنائية، يفيد مصرع "مصطفى. م.ع"، 22 عاما، وإصابة 3 آخرين من بينهم خطيبته ووالدتها وشقيقها بطريق "العاشر – الإسماعيلية" الصحراوي نتيجة اصطدام سيارة "تريلا" بأخرى ملاكي كانوا يستقلونها، تم نقل المصابين إلى مستشفى التأمين الصحى بمدينة العاشر لتلقيهم العلاج اللازم والتحفظ على جثة المتوفى بالمشرحة.

 

مصطفى اتحسد

وكان الخبر بمثابة الصدمة، لأصدقاء "مصطفى" سواء من المصورين أو غيرهم، مؤكدين أنه حسد على نجاحه وتفوقه في فترة قليله رغم صغر سنه.

 

فقال صديقه محمد: "اتحسدت يا مصطفى فاكر لما كنت بقول حافظ على نفسك حصن نفسك ياحبيبي و ربنا يحفظك من كل شر فاكر لما قولتلك بالله عليك بلاش كده الناس مش هاترحمك تقوللي يا عم محمد ربك الحافظ فاكر يا مصطفى ".

 

وقالت "نادين.ز" من أقارب الفقيد لـ "الفجر"، إن مصطفى كان متوفق في شغله ويقوم بتطوير نفسه، وذاع صيته في الشرقية وخارجها.

 

وأضافت أنه تمكن خلال أكتوبر الماضي من اتمام خطبته بعد حب دام لست سنوات أثبت خلالهم وفائه لها بكل شيء.

 

وأوضحت أن الفقيد كان من الشخصيات المحترمة جدًا والمكافحة، مضيفة أنه كان محسود على ما وصل إليه.

 

وتابعت: "الناس كانت مش سيباه ف حاله وباصين له ف حياته ونجاحه رغم انه تعب اوي عشان يوصل الله يرحمه بقا اهو مات وساب لهم حاجته ونجاحه اللي حسدوه عليه".

 

مصطفى لـ "خطيبته" قبل وفاته: ربنا يجمعنا في آخرته برضاه

وقبل وفاته بيومين وتحديدًا في التاسع من ديسمبر الجاري، كتب مصطفى آخر رسالة وجهها لخطيبته عبر حسابه على موقع التواصل الاجتماعى "فيس بوك".

 

وقال مصطفى في رسالته: "‎الحاجة الحلوة اللي بخرج بيها من كل سنة وبدخل بيها السنة اللي بعدها انتي حياتي كلها اصلا وفعلا مقدرش اعيش من غيرك".

 

وأضاف: على قد ما بنبقي اغبياء شوية مع بعض ومش بنفهم بعض بسرعة بس مبرتحش مع حد الا معاكي وانتي عارفة كده كويس بداية جديدة ومن احلي السنين اللي هتبدأ بوجودك معايا يا ست البنات كلهم ربنا يخليكي ليا ويديم وجودك ف حياتي يا حب عمري.

 

وتابع: "ربنا يخليكي ليا ويكملهالنا على خير ويجمعنا في دنيته بحلاله ويجمعنا يارب في آخرته برضاه علينا ويبعد عننا عيون الناس".

 

المصور عريس الجنة

وانطلق المئات من أهالي مركز ومدينة كفر صقر بالشرقية قبل قليل لتشيع جنازة مصطفى رافعين لافتات "عريس في الجنة".

 

وقال محمد صديقه: "مصطفى و الله يا حبيبي ما كانت جنازه دي كانت زفه .. ما تزعلش انت عملت تاريخ  أيوا تاريخ بحبك للناس و الخير و المواقف الجدعه و ده ظهر في كمية حب الناس ليك و كمية الخير اللي عملته في حياتك .. هاتوحشني أقسم بالله و هايوحشني كل ضحكة حلوه منك .. انا أستودعتك عند ربنا يا حبيبي فعنده لا تضيع الودائع .. يارب تكون ليلة سعيده عليك في قبرك و قبرك يكون روضه من رياض الجنة ".