نجوم الفن لـ"الحضري": "انت الأسطورة نجم.. وهتفضل طول عمرك نجم"
حرص عدد كبير من نجوم الفن علي مساندة، وتشجيع عصام الحضري، وذلك بعد تألقه في مبارك اليوم للمنتخب المصري امام منتخب بوركينا فاسو، وطالب البعض بعودته مرة اخري للنادي الاهلي.
ويرصد "الفجر الفني" أبرز تعليقات النجوم لعصام الحضري علي موقع التواصل الاجتماعي "فيسبوك، إذ كتب أحمد حلمي: "ربنا يحضرلك الخير دايما ياحضري .. فرحت التسعين مليون .. مبروك لمصر وللمصرين وللمنتخب المصري الرجالة".
بينما كتبت معز الدين: "نجم و هتفضل طول عمرك نجم و نجمي المفضل في الكرة. مبروك لمصر..السد_العالي ..أسدالملاعب".
وقالت انغام: "البطل عصام الحضري بينما كتب تامر حسني: "مليون مبروووووووووك لمنتخبنا المصري العظيم يارب النصر دائماً..شكراً يا حضري".
وكتب أحمد جمال: "ممكن رزقك يتأخر شوية لكنه محفوظ ومكتوب و جايلك جايلك سبحان الله ربنا رتب كل حاجه من بداية البطولة عشان يكتب للحضري بالذات اليوم ده".
وكتب محمد رشاد: "أسطورة تعجز الكلمات عن وصفها..عصام الحضري".
وقالت هند رضا: "مبروك لمصر و ربنا يحميك يا حضري".
وكتب أيمن بهجت قمر: "حيوا زوجة الحضري وولاده قبل الحضري لإن محدش بيتعب وبيوصل وبيحافظ على نجاحه كده غير وهو وراه أسره وعيله بتساعده وبتصبر عليه عشان يفضل كده ويفضل رقم واحد .. ربنا يحميك ويخليك لعيلتك ولمصر".
بينما كتب الشاعر أمير طعيمة: "إلي إدارة النادي الاهلي الحضري أخطأ في حق النادي الاهلي مرة و أصاب في حق مصر عشرات المرات...تكريمه و تحقيق رغبته برجوعه لإنهاء مسيرته في النادي الأهلي أقل حاجة تتقدم لحارس مرمي أصبح حديث الكرة الأرضية و أعطي لبلده كل عمره و طاقته..رقميا الحضري هو أفضل حارس مرمي في تاريخ مصر و افريقيا و من أفضل حراس كرة القدم العالمية في تاريخها و المصلحة مشتركة في رجوعه للنادي الأهلي..شكرًا كوبر و الحضري و رجالة مصر علي الفرحة اللي كنّا محتاجينها و بإذن الله البطولة مصرية عربية".
