نشطاء بدرجة "مخبرين" على "فيس بوك".. المهمة كشف "الشواذ والمجرمين".. ونصيحتهم: الحذر (تقرير)

وفي الفترة الأخيرة تحوّل نشطاء موقع التواصل الاجتماعي "فيس بوك" لـ"مخبر سري"، مهمته كشف المجرمين ورصد معلومات عنهم لملاحقتهم، ولمن لا يعرف المخبر، فهو رجل مهمته سلطة التحقيق وجمع المعلومات لكشف الحقيقة لرجال الأمن، ومؤخرًا تعددت أغراض استخدام الـ"فيس بوك" وأصبح كالمخبر، يقوم بجمع المعلومات وكشفها لمستخدميه في صورة تحذيرية حتى يتم كشف المجرمين وتوخي الحذر منهم إن لم يكن ملاحقتهم.

وفي التقرير التالي رصدت "الفجر" أبرز منشورات النشطاء الذين تقلدوا دور المخبر على فيسبوك لتحذير آخرين من بعض الخارجين .

استخدم مخبري "فيس بوك"، لغة التحذيرات، فقامت بعض الفتيات بنشرها عن الشخصيات الشاذة، فاستخدمت "هبة إبراهيم" طريقة "المخبر" بتحذير الفتيات من حساب أحد مستخدمي "فيس بوك" بأنه شخصية غريبة الأطوار تقوم بإيهام الفتيات بأنه بنت، ويطلب منهم أفعال غير عادية، مقابل وعدهم بأنهم سيحصلون على وظيفة.

ونشرت "هبة" محادثات شخصية لذلك الحساب لتؤكد صدق حديثها معلقة على تلك المحادثات قائلة: "بنات خلوا بالكم من الأكونت ده عشان ده واحد مش تمام وعامل نفسه بنت وبيعرض شغل ع البنات والصور دي مسروقه من الأكونت بتاع الدكتورة سوزان".

وفي نفس السياق حذرت تقى خالد، من أحد الحسابات على "فيس بوك" يقوم بسرقة الأكونتات وإرسال عبارات خادشة للفتيات، حيث كتبت في تدوينة لها: " يا بنات خلوا بالكووووا ، فيه أكونت بنت و مسروق منها من 4 شهور، اللي سرقه بيكتب كلام قلة أدب، وبيبعت ادد للبنات يكلمهم ، وكمان ممكن يسرق اكونتاتكم".

وقامت إيمي كمال، بواسطة فيس بوك بكشف عصابة خطف الأطفال في موقف العاشر من رمضان، فكتبت بطريقة تحذيرية في منشور على حسابها الخاص: "يابنات في ٣ ستات لابسين جلبيات سوداء في موقف العاشر في الاتجاه اللي نازل من العبور خلوا بالكم منهم واحدة فيهم قعدت تنادي لما بصتلها كانت واقفة هي وواحدة ومقعدين واحدة على الرصيف شكلها تعبان قالتلي أقرب ولما قولتلها محتاجة ايه ماقالتش وقالتلي قربي بس هقولك قلقت منهم ومشيت ولما بعدت لاقيتهم بيضحكوا الله أعلم بنيتهم بس خلوا بالكم الموضوع ده كتر وكتير نزلوا على الفيس إنها  طريقة للخطف".

فيما قامت مها عبد المجيد، بكشف طرق أصحاب محلات الذهب للنصب على زبائنهم، فكتبت على فيس بوك: "خلو بالكم لما تروحوا تشتروا مجموعة غوايش مع بعض لو فيهم قفل الناحية المقابله ليه هيكون فيها سوستة حديد ولما تيجي تبيعيهم هتلاقي نفسك خسرتي فيهم 1500 جنيه ..خلوا بالكم وانتوا بتشتروا وخصوصا الدهب وروه لأكتر من صايغ ".

وتداول أيضاً عدد من مستخدمي فيس بوك "تدوينة تحذيرية" كانت منشورة على إحدى الصفحات التابعة للشرطة المصرية، عن طريقة جديدة لسرقة ربات البيوت، حيث كتب الرائد خالد أبو بكر، في تدوينة له: "بيقف اتنين بلطجية معاهم سلاح في منطقة معينة ويقولوا أنهم طالبين الأوردر بس مستعجلين، هياخدوه وهيمشوا.. يحاسبوا بتاع الدليفري وياخدوا الطلب وبيكون فيه رقم التليفون والعنوان، يتصلوا بأصحاب الأوردر وبعدين يروحوا البيت ويدخلوه وتحت تهديد السلاح يسرقوه".