أسامة كمال يودع مشاهديه في آخر كلمات له قبل مغادرة "القاهرة والناس"
أعلن الإعلامي أسامة كمال، عن انتهاء برنامجه "القاهرة 360" المذاع عبر فضائية "القاهرة والناس"، مقدمًا الشكر والتقدير للقناة والشعب المصري.
وقال "كمال"، في آخر حلقة من البرنامج: "بسم الله نختتم برنامج القاهرة 360 وتوكلت على الله، دى نفس الجملة اللى بدأت بيها حلقات القاهرة 360 يوم 21 مارس 2013، بسم الله فى البدء وبسم الله فى الختام، بسم الله خير الأسماء، بسم الله رب الأرض والسماء، توكلت على الله وأنا أبدأ وأتوكل على الله فى الختام، توكلت على الله وأنا بأحاول طول الوقت أكون صادق وحريص على كل كلمة بأقولها".
وتابع: "في كل صورة بتطلع على الشاشة، توكلت على الله وأنا شاغل نفسى بالوطن وباللى بأقدمه أكتر ما أشغل نفسى باللى بيقدمه غيري، شاغل نفسي بالحقيقة وازاي أوصل للحقيقة عشان الحقيقة توصل للناس، شاغل نفسى بجوهر الأشياء مش بالصورة المزيفة اللى بتبان لناس كتير، وبالنسبة لى محبتكم هى المكسب الكبير.. وبصراحة كده ومن غير لف ودوران انا كمان بأحبكم، هأفتقد كل مشاهد لـ"القاهرة 360".
ووجه حديثه للشعب قائلًا: "هأفتقد فيكم طعم وريحة ولون الوطن، طب والله العظيم بأحبكم وباحب محبتكم لبلدكم، وباحب القاهرة والناس اللي قدمت ليا كتير".
