تامر عاشور يساند تامر حسنى بعد تسريب ألبومه الجديد بكلمات مؤثرة!

ساند الفنان الشاب تامر عاشور، صديقه الفنان تامر حسنى، محنته بعد أن تم تسريب أحدث ألبوماته "عمرى ابتدى" والذى كان مقرر طرحه فى موسم عيد الفطر المقبل.

ووجه تامر عاشور، رسالك خاصة للميجا تامر حسنى. وذلك من خلال حسابه الرسمى عبر موقع التواصل الاجتماعي "فيسبوك" قائلا:" في فرحه كبيره قوي بيستناها الفنان كل سنتين مره وهي فرحه "إصدار البومه" عارفين يعني أيه إصدار البوم ب النسبه لفنان ؟ يعني بينام ويصحى يحلم بيه مبهزرش والله العظيم ".

وتابع عاشور، رسالته قائلا:"التعب اللي قبل الالبوم بيروح لما يتم إصداره بتاريخ ووقت وشكل دعايه معينين وانتظار أراء الناس اللي بتحبه وتباركله وتهنيه كل ده لما مبيحصلش بيفضل الفنان تعبان لحد الالبوم اللي بعده بجد من جواه.ده مالوش اي علاقه بنجاح الألبوم".

وأضاف عاشور، قائلا:" تامر حسني البومه هينجح كالعاده ان شاء الله بس كلمه من أخ ليك أعداء النجاح اللي مالهمش علاقه بيك متشغلش بالك بيهم. لكن أعداء النجاح اللي بتشتغل معاهم " خطر" بيمثلوا 24 ساعه ف اليوم او بيتاجروا ف المضروب بنسبه كبيره وكبيره جدا اوعى تصدق اللي انا سمعته قبل كده ونجاحك هيقتلهم وهيمحيهم اكتر ما هم إتمحوا وبرضو متركزش معاهم.. افرح ب البومك انت عامل أحلى شغل مع كل الناس".