أسامة كمال يعلن استضافة أصحاب الأعمال في "مساء DMC".. بشرط!

أعلن الإعلامي أسامة كمال، دعم مبادرة الرئيس "حياة كريمة" التي يسعى الرئيس عبد الفتاح السيسي إلى تحقيقها منذ توليه المسئولية .

 

وقال "كمال" في مقدمة برنامجه "مساء DMC" اليوم الخميس،  أنه يعلن استضافة  أصحاب الأعمال والشركات والمصانع  في البرنامج بمختلف تخصصاتهم حال استعدادهم توفيرهم فرصة عمل واحدة أو أكثر للشباب.

 

وتابع: "الحياة الكريمة لكل الناس التي يسعى وراها السيسى من يوم ما فكر يترشح، ناس كتير ممكن تساعد فيها واللى مش عايز يتبرع بفلوس يفتح شغل لناس، واللى ميت ع القرش، ودول برضه مش قليلين، ممكن يشغلوا ناس ويكسبوا من وراهم فلوس، مش بس يدفعوا لهم. كلنا نقدر نوفر حياة كريمة لواحد، على الاقل واحد بس، واللى يقدر على أكتر يعمل كده".

 

وأضاف: " هنستقبل كل واحد عنده النية والاستعداد يكون ضيفنا ع الهوا ويقول ايوه مستعد أوفر وظيفة لواحد مصرى، أو 100 وظيفة لمصريين زيى عندهم استعداد يشقوا ويكافحوا، نفتح الباب لكل واحد عنده استعداد لعمل الخير ولقى بيروقراطى مانعه يشتغل، أحنا ورا الدولة لو فكرت تعمل مشروعات، تدى أرض توفر فرص لمشروعات بجد تديرها منظمات المجتمع المدنى، من خلال متخصصين، ويشتغل الفقير اللى قادر يشتغل والفقير اللى مش قادر يشتغل".