تعليق ناري من أسامة كمال على وصول مرتبات المساجين لـ 6 آلاف جنيه في الشهر (فيديو)

علق الإعلامي أسامة كمال، مقدم برنامج "مساء dmc"، على تصريح اللواء زكريا الغمري مساعد وزير الداخلية لقطاع السجون، إنه يقول إن السجين فى بعض المصانع بالسجون بيأخد مرتب شهرى ما بين 3 آلاف إلى 6 آلاف جنيه مش عارف، قائلا:"مين اللى اقنع اللواء زكريا إنه يقول ده؟".

وقال كمال:"فلما ييجى يصلح الكلام يقول أنه فيه مساجين بياكلوا بط وحمام ونعام، والفائض بيخرج لمعارض الشرطة لبيعها.. سواء كان الكلام حقيقى أو بعيد عن الواقع فى بلد الحد الأدنى للأجور فيه 1200 جنيه، هتقنع الناس أزاى أن المسجون بيأخد مرتب 6 آلاف جنيه؟".

وأضاف:"هتقنع ازاى شعب عنده مشكلة أسعار فتقول له المساجين بيأكلوا حمام ونعام، مش بس حمام، لكن حمام ونعام.. احترت فى تصريحات المسئولين والمشكلة إنها كانت ندوة نظمتها الداخلية عن الدور المجتمعي لوزارة الداخلية".