مها أسامة بعد عرض نفسها للزواج على الفيسبوك: "خسرت شغلي واللي جاي أحسن" (فيديو)

ودونت مها أسامة في منشور جديد، عبر حسابها على موقع "فيسبوك"، قائلة: "خسرت شغلي.. بس إن شاء الله اللي جاي أحسن"، وكانت طالبت من متابعيها في منشور سابق بالدعاء لها للتوفيق في أمورها، قائلة: "ادعولي".

وكانت ظهرت مها أسامة، في مقطع فيديو، مدته دقيقتان و50 ثانية، تعرض فيه نفسها للزواج عبر موقع "فيسبوك"، قائلة: "مساء الخير يا جماعة عاملين إيه، الفيديو ده هيجيبلي مشاكل كتيرة أوي أنا عارفة، بس أنا مش فارق معايا علشان مش بعمل حاجة غلط".

وتابعت مها أسامة حديثها خلال مقطع الفيديو، مضيفة: "إحنا طبعًا شايفين الظروف اللي إحنا فيها البلد عاملة إزاي، ومفيش كافيهات ولا جيم ولا أي حاجة، والدولة شايفة إن هو ده الصح علشان تحافظ على صحتنا، أنا شايفه إن طبيعي دلوقتي كل بني آدم يعمل اللي هو شايفه صح".

وتابعت مها أسامة خلال الفيديو: "أنا مش عارفة أبتدي إزاي، لازم يكون فيه مقدمة علشان الناس متستغربش، أنا اسمي مها أسامة، عندي 32 سنة، وعارضة نفسي للزواج على فيسبوك، وعارفة إن ده قرار مش سهل وهيجبلي مشاكل كتير، بس أنا قد القرار ده ودرسته كويس أوي، وأتحمل الحلو والوحش".

وعن مواصفات الرجل التي ترغب الزواج منه قالت: "أنا مش عايزه حاجات كتير في الشخص اللي هرتبط بيه غير إنه يكون جد، وفعلا عايز يتجوز ومحترم".

هناك العديد من الرسائل والتعليقات التي أرسلها الشباب فور الانتهاء من مشاهدة مقطع الفيديو التي بثته مها أسامة، جميعم يطلبونها للزواج.

ونصت رسالة يطلب الزواج من مها أسامة، قائلًا: "السلام عليكم ورحمة الله وبركاته، عاوز عروسة، أنا محامي من عين شمس، السن 30 سنة، لا أدخن، ولم يسبق الزواج، الطول 178 مترا والوزن 85 كيلو، ولدي شقة تمليك".